ഫോർമുല മിൽക്കിന്റെ പ്രാധാന്യം: എങ്ങനെ നൽകണം, എന്തുകൊണ്ട് ഒഴിവാക്കാൻ പാടില്ല? The importance of formula milk: how to give and why not to give up?

മുലപ്പാൽ എല്ലായ്പ്പോഴും കുഞ്ഞിന്റെ ആദ്യ അവകാശമായിട്ടാണ് കണക്കാക്കപ്പെടുന്നത്, ഒരു കുഞ്ഞിന്റെ ആരോഗ്യവും വളർച്ചയും ഉറപ്പാക്കാൻ അമ്മമാർക്ക് മുലപ്പാൽ അത്യാവശ്യമാണെന്ന് എല്ലാവർക്കും അറിയാം. എന്നാൽ, ചില സാഹചര്യങ്ങളിൽ അമ്മമാർക്ക് മുലപ്പാൽ നൽകാനാകില്ല. അമ്മയുടെ ആരോഗ്യപ്രശ്നങ്ങൾ, പാൽ ലഭ്യമാകാതിരിക്കുക തുടങ്ങിയ സാഹചര്യങ്ങൾ മുലപ്പാൽ നൽകുന്നതിൽ തടസ്സങ്ങളായേക്കാം. ഇതുപോലുള്ള അവസ്ഥകളിൽ ഫോർമുല മിൽക്ക് (Formula Milk) ഒരുപാട് സഹായകരമാകുന്നു.

ഫോർമുല മിൽക്ക് കുഞ്ഞിന്റെ ആവശ്യങ്ങൾക്കനുസരിച്ച് നിർമിച്ചിരിക്കുന്നു. ഇതിൽ പ്രോട്ടീൻ, കാൽസ്യം, കാർബോഹൈഡ്രേറ്റുകൾ, വിറ്റാമിനുകൾ, ഫാറ്റുകൾ എന്നിവ ശരിയായ അനുപാതത്തിൽ അടങ്ങിയിരിക്കുന്നു. ഇതുവഴി കുഞ്ഞിന്റെ ശരീര വളർച്ചയും ബുദ്ധിശക്തിയും വർധിപ്പിക്കുക  ശെരിയായ വളർച്ച  സാധ്യമാക്കുകയും  ചെയ്യുന്നു.

ചില കുട്ടികൾക്ക് ജന്മനാ വിഷമതകൾ ഉണ്ടാവാം, ഉദാഹരണത്തിന് പ്രീമാച്ച്വർ ബേബീസ്. ഇത്തരത്തിലുള്ള കുട്ടികൾക്ക് ഫോർമുല മിൽക്ക് ഏറ്റവും അനുയോജ്യമായ പോഷകത്തെയാണ് നൽകുന്നത്. കുട്ടിക്ക് കൃത്യമായ ആഹാരം ലഭിച്ചില്ലെങ്കിൽ വളർച്ചയുടെ വിവിധ ഘട്ടങ്ങളിൽ പ്രശ്നങ്ങൾ ഉണ്ടാകാൻ സാധ്യതയുണ്ട്. അതുകൊണ്ട് ഫോർമുല മിൽക്ക് അവഗണിക്കാനാവാത്ത ഒരു മാർഗമാണ്.

ഫോർമുല മിൽക്ക് നൽകുമ്പോൾ ചില പ്രധാന കാര്യങ്ങൾ ശ്രദ്ധിക്കണം.ഫോർമുല മിൽക്ക് പാകം ചെയ്യുമ്പോൾ വെള്ളവും പാൽപൊടിയും കൃത്യമായ അളവിൽ കലക്കണം. കൃത്യമായ അളവിൽ വെള്ളം ചേർക്കാത്തതോ അല്ലെങ്കിൽ  കൂടുതലായ വെള്ളമുള്ള മിശ്രിതം എന്നിവ കുഞ്ഞിന്റെ ആരോഗ്യത്തെ പ്രതികൂലമായി ബാധിക്കും.കുഞ്ഞിന് നൽകുന്ന വെള്ളം ശുദ്ധമാവണം. നന്നായി തിളപ്പിച്ച് തണുപ്പിച്ച ആറിയ വെള്ളമാണ് പാൽ കലക്കാൻ ഉപയോഗിക്കേണ്ടത്.കുഞ്ഞിന് ഫോർമുല മിൽക്ക് നൽകുമ്പോൾ പാൽ വളരെ ചൂടായോ തണുത്തോ ഇല്ലാതെ ശരിയായ താപനിലയിൽ നല്കണം.കുഞ്ഞിന്റെ ബോട്ടിൽ, ഫോർമുല മിൽക്ക് തയ്യാറാക്കുന്ന പാത്രങ്ങൾ എല്ലാം നന്നായി വൃത്തിയാക്കി ഉപയോഗിക്കുക.

ചിലർ ഫോർമുല മിൽക്ക് ഒഴിവാക്കുക മാത്രമല്ല, ദോഷകരമാണെന്ന് വിശ്വസിക്കാനും സാധ്യതയുണ്ട്. പക്ഷേ, ഫോർമുല മിൽക്ക് ഉപയോഗിക്കുന്നത് കുട്ടിയുടെ പോഷക കുറവ് പരിഹരിക്കുന്നതിനുള്ള  ഒരു മികച്ച മാർഗമാണ്. കുട്ടിക്ക് ആവശ്യമായ എല്ലാ പോഷകങ്ങളും നൽകാൻ മുലപ്പാൽ ലഭ്യമല്ലാത്ത സാഹചര്യത്തിൽ ഇത് കുഞ്ഞിന്റെയും അമ്മയുടെയും അത്യാവശ്യം തന്നെയാണ്.  മുലപ്പാൽ ലഭിക്കാത്ത അമ്മമാരുടെ മനസിന് ഇത് ഒരു ആശ്വാസം നൽകും. കുട്ടിയുടെ ആരോഗ്യം കൂടുതൽ പ്രാധാന്യമുള്ളതിനാൽ, ഫോർമുല മിൽക്ക് ഉപയോഗിക്കേണ്ട ആവശ്യം ഉണ്ടെങ്കിൽ, അങ്ങനെയാക്കുന്നത് കുട്ടിയുടെ ഭാവി ആരോഗ്യത്തിനും വളർച്ചക്കും സഹായകരമാകും.

മുലപ്പാൽ തന്നെയാണ് കുഞ്ഞിനുള്ള ഏറ്റവും മികച്ച പോഷകാഹാരം. എന്നാൽ അതിന് ശേഷമുള്ള ഏറ്റവും മികച്ച മാർഗം ഫോർമുല മിൽക്കാണ്. ഇത് നൽകുമ്പോൾ ശുചിത്വവും ഡോക്ടറുടെ നിർദേശങ്ങളും കൃത്യമായി പാലിക്കുന്നത് ഉറപ്പാക്കുക. കുഞ്ഞിന്റെ ആരോഗ്യം വളർച്ചയുടെ അടിസ്ഥാനമാണ്, അതുകൊണ്ട് ഫോർമുല മിൽക്ക് നൽകുമ്പോൾ അതിന്റെ പ്രാധാന്യം മനസ്സിലാക്കി സൂക്ഷ്മത പാലിക്കുക..