ദിവസേന ലൈംഗികബന്ധത്തിൽ ഏർപ്പെട്ടാൽ ഗർഭധാരണ സാധ്യത കൂടുമോ! Does having sex every day increase the chances of getting pregnant?

“ഒരു കുഞ്ഞിനായി കാത്തിരിക്കുക” എന്നത് ജീവിതത്തിലെ ഏറ്റവും അതിമനോഹരമായ ഒരു കാത്തിരിപ്പാണ്. എന്നാൽ പലപ്പോഴും, ഈ കാത്തിരിപ്പ് ദമ്പതികൾക്ക് ചിന്തയും ആശങ്കയും നിറഞ്ഞതായിത്തീരാറുണ്ട് – പ്രത്യേകിച്ചും ഗർഭധാരണത്തിനായി ലൈംഗികബന്ധം എത്രവട്ടം നടത്തണം എന്നതാണ് പലർക്കും ഉള്ള പ്രധാന സംശയം. ഗാർഭധാരണവുമായി ബന്ധപ്പെട്ട് ദമ്പതികൾക്ക് സാധാരണ ഉണ്ടാകാനിടയുള്ള സംശയങ്ങൾ നമുക്കീ ബ്ലോഗിൽ ചർച്ച ചെയ്യാം.

✔ ഗർഭധാരണത്തിന് ഏറ്റവും അനുയോജ്യമായ സമയം ഏതാണ്?

സ്ത്രീയുടെ ശരീരത്തിൽ ഓരോ മാസവും അണ്ഡാശയത്തിൽ നിന്നും അണ്ഡം ഗർഭാശയത്തിലേക്ക് എത്തുന്ന ഒരു പ്രത്യേക സമയം ഉണ്ട് – ഇതിനെ ഒവുലേഷൻ കാലം എന്ന് പറയാറുണ്ട്. സാധാരണയായി, മാസമുറ തുടങ്ങുന്ന ദിവസം മുതൽ 12-ാം ദിവസം മുതൽ 16-ാം ദിവസം വരെ ഒവുലേഷൻ നടക്കാൻ സാധ്യതയുണ്ട്.

ഈ ദിവസങ്ങളാണ് ഗർഭധാരണ സാധ്യതയുള്ള മികച്ച ദിവസങ്ങൾ. ഈ ദിവസങ്ങളിൽ ലൈംഗികബന്ധം നടത്തുന്നത് ഗർഭധാരണ സാധ്യത വളരെയധികം വർദ്ധിപ്പിക്കും.

✔ എത്ര ദിവസത്തിനു ഒരിക്കൽ ലൈംഗികബന്ധം നടത്തണം?

ഒവുലേഷൻ സമയത്ത് ദിവസേന അല്ലെങ്കിൽ

രണ്ട് ദിവസത്തിനു ഒരിക്കൽ ലൈംഗികബന്ധം നടത്തുന്നത് ഏറ്റവും നല്ലത്.

ഉദാഹരണത്തിന്, 12-ാം ദിവസം മുതൽ 16-ാം ദിവസം വരെ, 13, 15, 16 തീയതികളിൽ ബന്ധം പുലർത്തുന്നത് ഗർഭധാരണ സാധ്യത ഉയർത്തും.

✔ ദിവസേന ലൈംഗികബന്ധം ചെയ്താൽ ഗർഭധാരണത്തിന് സാധ്യത കൂടുമോ?

ഇല്ല .

ദിവസേന ലൈംഗികബന്ധം നടത്തുന്നതിന്റെ ശാരീരിക സമ്മർദ്ദം കൂട്ടാനിടയുണ്ട്. ഇത് ചിലപ്പോൾ ബീജത്തിന്റെ ഗുണമേന്മ കുറയ്ക്കാം. അതിനാൽ ദിവസേന അല്ല, രണ്ടു ദിവസത്തിന്റെയോ മൂന്നുദിവസത്തിന്റെയോ ഇടവേള ആയിരിക്കും കൂടുതൽ അനുയോജ്യം.

✔ ഗർഭധാരണത്തിൽ സഹായിക്കുന്ന ചില ടിപ്‌സുകൾ:

ഒവുലേഷൻ കാലം കൃത്യമായി മനസ്സിലാക്കുക. ഒവുലേഷൻ കിറ്റുകൾ (Ovulation Test Kits) ഉപയോഗിച്ചാലും, മൊബൈൽ ആപ്ലിക്കേഷനുകൾ ഉപയോഗിച്ചാലും ഈ സമയം കൃത്യമായി കണക്കാക്കാം.

ഉല്ലാസമുള്ള ബന്ധം സൂക്ഷിക്കുക. പ്ലാനിങ്ങ് എന്ന് കേൾക്കുമ്പോൾ തന്നെ ചിലർക്കു സമ്മർദ്ദം തോന്നാറുണ്ട്. അങ്ങനെ ആവരുത് – ബന്ധം സ്വാഭാവികമായി തുടരട്ടെ.

ആരോഗ്യകരമായ ഭക്ഷണവും ഉറക്കവും പാലിക്കുക. ഇവ ശരീരത്തെയും ഹോർമോണുകളെയും ശരിയായി പ്രവർത്തിപ്പിക്കാൻ സഹായിക്കും.

ടെൻഷൻ വേണ്ട. ചിലർക്കു ഒരു മാസം വൈകിയാലും ഗർഭം ഇല്ലാതായാൽ മനസ്സ് വളരെ വിഷമിക്കാറുണ്ട്. സാവധാനം മുന്നോട്ടുപോവുക. ഗർഭധാരണയ്ക്കു ചിലപ്പോൾ കുറച്ച് സമയം എടുക്കും.

6 മാസം – 1 വർഷം നീണ്ടാലും ഗർഭം സാധ്യമാകുന്നില്ലെങ്കിൽ, ഡോക്ടറെ സമീപിക്കുക.

ഗർഭധാരണത്തിന് “എത്രവട്ടം ലൈംഗികബന്ധം” എന്നത് പ്രധാനമെങ്കിലും, അതിനേക്കാൾ പ്രധാനപ്പെട്ടത് ശരിയായ സമയം, മനസ്സിന്റെ സമാധാനം, മികച്ച ജീവിതശൈലി എന്നിവയാണ്. ഓരോ കുഞ്ഞിന്റെയും വരവ് അതത് സമയത്ത് നടക്കും. അതിന് ഇടയിൽ നിങ്ങൾ ഉല്ലാസത്തോടെ, ആശയവിനിമയത്തോടെ, ഒരുമിച്ചു മുന്നേറുക.