വിശന്നാൽ നിങ്ങൾ നിങ്ങളല്ലാത്തയായി മാറുന്നുണ്ടോ!വിശപ്പ് ദേഷ്യത്തിലേക്ക് നയിക്കുമോ?When you're hungry, do you become someone you're not? Does hunger lead to anger?

ജീവിതശൈലിയിൽ വരുന്ന വലിയ മാറ്റങ്ങളാണ് ഇന്ന് നമ്മുടെ ഭക്ഷണക്രമത്തെയും ആരോഗ്യത്തെയും കൂടുതൽ ബാധിക്കുന്നത്. ഓരോ ദിവസവും അനിയന്ത്രിതമായ സമയക്രമങ്ങൾ, കൃത്യതയില്ലാത്ത  ജോലി, യാത്രകൾ തുടങ്ങിയവ നമ്മുടെ ശരീരത്തെ ആഹാരത്തെ കുറിച്ച് അവഗണിക്കപ്പെടുന്ന ഒരു നിലയിലേക്ക് എത്തിക്കുന്നു. ഭക്ഷണം വൈകുമ്പോഴും വിശപ്പിന്റെ നിലവിളിയും പലർക്കും മനസ്സിന്റെ നിലപാടിൽ നേരിയ മാറ്റം സംഭവിക്കുന്നതായാണ് അനുഭവപ്പെടുന്നത്. ചിലർക്കത് ചെറിയ ദു:സ്വഭാവമായി തോന്നും, മറ്റൊരാൾക്ക് അതിന്‍റെ പ്രകടനം കടുപ്പമായിരിക്കാം. എന്നാല്‍ ഇത്തരം അവസ്ഥയുടെ പിന്നിൽ ശാരീരികവും മാനസികവുമായ വ്യത്യാസങ്ങളുണ്ടെന്ന് ശാസ്ത്രീയ പഠനങ്ങൾ തെളിയിക്കുന്നു.

Hangry എന്ന പദം ഇപ്പോൾ സാമൂഹിക മാധ്യമങ്ങളിലെയും ദിവസേനയായി നടക്കുന്ന ആശയവിനിമയങ്ങളിലെയും ഒരു സാധാരണ പ്രസക്തിയായിരുന്നു. ഇത് Hungry (വിശപ്പുള്ള) എന്നതും Angry (കോപമുള്ള) എന്നതും ചേർന്ന് രൂപം കൊണ്ട ഒരു നവീന പദമാണ്. പലർക്കും ഇത് തമാശയായി തോന്നിയേക്കാം. പക്ഷേ, ശാസ്ത്രീയമായി നോക്കിയാൽ Hangry ഒരു യഥാർത്ഥ മനോഭാവപരമായ അവസ്ഥയാണെന്നും അതിന് ശാരീരിക അടിസ്ഥാനമുണ്ടെന്നും തെളിയിച്ചിട്ടുണ്ട്.

വിശപ്പ് ഉണ്ടാകുമ്പോൾ ശരീരത്തിലെ ഗ്ലൂക്കോസ് നില കുറയുന്നു. ഗ്ലൂക്കോസ്, നമ്മുടെ Energy Delivery System-ൽ ഏറ്റവും പ്രധാനപ്പെട്ട ഘടകമാണ്. രക്തത്തിലെ ഈ ഗ്ലൂക്കോസ് ലെവൽ കുറയുമ്പോൾ, ശരീരത്തിൽ അടിയന്തിരമായി പ്രവർത്തിക്കുന്ന ഹോർമോണുകൾ സജീവമാകുന്നു. ഇവയിൽ പ്രധാനപ്പെട്ടത് ആഡ്രിനാലിൻ, കോർട്ടിസോൾ തുടങ്ങിയവയാണ്. ഇവ ശരീരത്തെ ജാഗ്രതയിലാക്കുന്നവയും സ്ട്രസ് പ്രതിഭാസം സജീവമാക്കുന്നവയും ചെയ്യുന്ന ഹോർമോൺസ് ആണ്. അതിനൊപ്പം തന്നെ, ബ്രെയിനിൽ നിയന്ത്രണമുള്ള ഭാഗമായ Hypothalamus-ൽ ഇവ സമ്മർദ്ദത്തിന് അനുസൃതമായ പ്രതികരണങ്ങളും വർദ്ധിപ്പിക്കാൻ ഇടയാക്കുന്നു. അതാണ് hangry എന്ന അവസ്ഥയുടെ യാഥാർത്ഥ്യം.

Hangry ആകുന്ന വ്യക്തിയുടെ പെരുമാറ്റത്തിൽ കാണപ്പെടുന്ന ചില ലക്ഷണങ്ങളാണ്  ചെറിയ കാര്യങ്ങളിലും അതിരൂക്ഷമായ പ്രതികരണം കാണിക്കുക, നേരത്തെ സഹിച്ചിരുന്ന കാര്യങ്ങളിൽ പോലും അസഹിഷ്ണുത കാണിക്കുക, അധികം സംസാരിക്കാതിരിക്കുക, ആശയവിനിമയത്തിൽ കടുപ്പം കാണിക്കുക, മാനസിക ക്ഷീണം, ചെറിയ തലവേദന പോലുള്ള ശാരീരിക പ്രശ്‌നങ്ങൾ എന്നിവ hangry അവസ്ഥയുടെ പ്രധാന ലക്ഷണങ്ങളാണ്. ഇത്തരം സ്വഭാവപരിവർത്തനം വ്യക്തിപരമായ ബന്ധങ്ങൾക്കും പ്രൊഫഷണൽ അന്തരീക്ഷത്തിനും തിരിച്ചടിയായി മാറുന്നത് വളരെ സാധാരണമാണ്.

നമ്മുടെ ജീവിതശൈലിയിൽ hangry എന്ന അവസ്ഥ വരാതിരിക്കാൻ ചെയ്യാവുന്ന ചില ലളിതമായ ശ്രമങ്ങൾ ഇവയാണ് . പ്രധാനമായും  ഭക്ഷണങ്ങൾ സമയബന്ധിതമായി സ്വീകരിക്കുക, ഇടയ്ക്കിടെ ചെറിയ ഹെൽത്തി സ്നാക്കുകൾ ഉൾപ്പെടുത്തുക, വെള്ളം കുടിക്കുക , പ്രോട്ടീനും ഫൈബറും നിറഞ്ഞ ആഹാരങ്ങൾ ഉൾപ്പെടുത്തുക തുടങ്ങിയവ hangry അവസ്ഥ ഒഴിവാക്കാൻ സഹായകമാണ്. കൂടാതെ, ഓരോ വ്യക്തിയും hangry ആകുന്ന സമയത്തെ സ്വയം തിരിച്ചറിയാൻ പരിശീലിക്കുക എന്നതും വളരെ പ്രധാനമാണ്. വിശപ്പാണോ നിന്റെ ദേഷ്യത്തിന് കാരണം എന്ന നീ സ്വയം വിലയിരുത്തുക.

Hangry എന്നത് പലപ്പോഴും അവഗണിക്കപ്പെടുന്ന ഒരു അവസ്ഥയായിരിക്കും. പക്ഷേ, അതിന്റെ ദൈർഘ്യമേറിയ പ്രതിഫലനങ്ങൾ വ്യക്തികളിൽ ശാരീരികമായും മാനസികമായും വലിയ മാറ്റങ്ങൾ  വരുത്തിയേക്കാം. അതിനാൽ, ഈ അവസ്ഥയെ തിരിച്ചറിയുകയും അതിനുള്ള പ്രതിരോധ മാർഗങ്ങൾ പിന്തുടരുകയും ചെയ്യേണ്ടത് അത്യാവശ്യമാണ്. ആരോഗ്യകരമായ ഭക്ഷണക്രമവും ശരിയായ ജീവിതരീതിയും hangry എന്ന പ്രശ്‌നം പലവട്ടം തന്നെ നമുക്ക് പ്രതിരോധിക്കാൻ സഹായിക്കും. hangry എന്നത് സിമ്പിളായ ഒരു മൂഡ് സ്വിംഗ് അല്ല. അത് ശരീരത്തിന്റെയും, മനസ്സിന്റെയും പ്രതികരണമാണ്. അതിനാൽ, വിശപ്പിനെ അപമാനിക്കരുത്. 😊