കൊവിഡ് ലക്ഷണങ്ങൾ ഉണ്ടായിട്ടും RT-PCR ടെസ്റ്റ് നെഗറ്റീവ് ആകുന്നത് എന്തുകൊണ്ടാണ്?
- Alfa MediCare
- Sep 28, 2021
- 2 min read
കൊവിഡ് കേസുകള് കൂടിവരുന്ന സാഹചര്യത്തില് ആശങ്ക വര്ധിപ്പിയ്ക്കുകയാണ് പരിശോധനാ ഫലങ്ങള് നെഗറ്റീവ് ആകുന്നത്. വ്യക്തമായ കൊവിഡ് ലക്ഷണങ്ങൾ ഉള്ളവർക്കും ഫലം നെഗറ്റീവ് ആകുന്നത് തെല്ലൊന്നുമല്ല ഭീതി വർധിപ്പിക്കുന്നത്. രാജ്യത്ത് പലയിടത്തും നടത്തുന്ന പരിശോധനാ ഫലങ്ങള് കൃത്യമായി വരുന്നില്ല എന്നത് രോഗനിര്ണയവും പ്രതിരോധവും പ്രയാസകരമാക്കുകയാണ്. യഥാര്ത്ഥത്തില് കൊവിഡ് പോസിറ്റിവ് ആണെങ്കിലും പരിശോധനാ ഫലത്തില് നെഗറ്റിവ് എന്ന് കാണിയ്ക്കുന്നത് പ്രശ്നം ഗുരുതരമാക്കും. പുതിയ സാഹചര്യത്തില് അഞ്ചില് ഒരാള്ക്ക് തെറ്റായ ഫലം ലഭിയ്ക്കുന്നു എന്നാണ് ആരോഗ്യ വിദഗ്ദര് അഭിപ്രായപ്പെടുന്നത്. ഇത് കൃത്യസമയത്ത് ചികിത്സയും പരിചരണവും ലഭിയ്ക്കാതിരിയ്ക്കാനും മരണത്തിനു വരെയും കാരണമാകുന്നു. മാത്രമല്ല, ചുറ്റുമുള്ളവരിലേക്ക് രോഗം പടരാനുള്ള സാഹചര്യം പതിന്മടങ്ങ് കൂടുതലാണ് ഈ കേസുകളില്.
പരിശോധനാ ഫലങ്ങളില് കൂടുതല് മികച്ചതെന്നു കരുതുന്ന ആര്.ടി.പി.സി.ആര് ടെസ്റ്റ് പോലും ഇക്കാര്യത്തില് പരാജയപ്പെടുന്നത് ഗൗരവത്തോടെ തന്നെ പരിഗണിയ്ക്കേണ്ടതാണ്. കോവിഡ് പോസിറ്റിവ് ലക്ഷണങ്ങള് ഉണ്ടാകുമ്പോഴും ഫലം നെഗറ്റീവ് ആകുന്നതിന് പ്രധാനപ്പെട്ട മൂന്നു കാരണങ്ങളായി വിദഗ്ദര് ചൂണ്ടികാട്ടുന്നത് ഇവയാണ്.
1.നിലവില് വ്യാപിയ്ക്കുന്ന പുതിയ വേരിയന്റ് കൊവിഡിനെ തിരിച്ചറിയാന്, ലഭ്യമായ പരിശോധനകള് ഫലപ്രദമാകുന്നില്ല.
2.ചിലരുടെ ശരീരത്തില് വലിയ അളവില് വൈറസ് ബാധയുണ്ടാകാത്തത് കാരണം അത് കണ്ടെത്താന് നിലവിലെ പരിശോധനാ മാര്ഗങ്ങള്ക്ക് കഴിയാതെ പോകുന്നു.
3.ദിനംപ്രതി ആയിരക്കണക്കിന് സാമ്പിളുകള് ഒരു പ്രദേശത്ത് നിന്ന് ശേഖരിയ്ക്കുകയും പരിശോധന നടത്തുകയും ചെയ്യുമ്പോള് ഏതെങ്കിലും ഘട്ടത്തില് പരിശോധനയുടെ ഗുണനിലവാരത്തില് വീഴ്ച സംഭവിയ്ക്കുന്നു. ഇതും തെറ്റായ ഫലങ്ങൾ ഉണ്ടാകാൻ കാരണമാകുന്നു.
ഇത്തരത്തില് ലക്ഷണങ്ങള് ഉണ്ടായിട്ടും പരിശോധനാ ഫലം നെഗറ്റിവ് ആകുമ്പോള് നിരവധി കാര്യങ്ങള് ശ്രദ്ധിയ്ക്കേണ്ടതുണ്ട്. യഥാര്ത്ഥത്തില് പോസിറ്റിവ് ആണെന്നിരിയ്ക്കെ അത് കണ്ടെത്താന് സാധിയ്ക്കാത്തത് രോഗിയ്ക്കും രോഗിയുമായി ഇടപെടുന്നവര്ക്കും പ്രയാസമുണ്ടാക്കും. അതിനാല് ഈ സാഹചര്യം അനുഭവിയ്ക്കുകയാണെങ്കില് തീര്ച്ചയായും ചില കാര്യങ്ങള് ഉത്തരവാദിത്തത്തോടെ ചെയ്യേണ്ടതുണ്ട്.
1.ഡോക്ടറോട് ലക്ഷണങ്ങള് ഉള്പ്പെടെയുള്ള വിവരങ്ങള് കൃത്യമായി പറയുക. അതിനായി ആവശ്യമായ നിര്ദേശങ്ങള് പിന്തുടരുക.
2.എല്ലായ്പ്പോഴും ഓക്സിജന് നില പരിശോധിയ്ക്കുക. ഇതിനായി ഒക്സിമീറ്ററിന്റെ സഹായം തേടുക.
3.ആദ്യ പരിശോധനയ്ക്ക് ശേഷം മൂന്നു ദിവസം കഴിഞ്ഞ് വീണ്ടും പരിശോധന നടത്തുക. ശേഷവും ലക്ഷണങ്ങള് നിലനില്ക്കുകയും ഫലം നെഗറ്റിവ് ആവുകയും ചെയ്യുന്നുവെങ്കില് തീര്ച്ചയായും ഡോക്ടറുടെ നിര്ദേശപ്രകാരം CT സ്കാന് എടുക്കാന് തയ്യാറാവുക.
4.രക്തപരിശോധന നടത്തുക. കൊവിഡ് പരിശോധനകള് ഫലം കാണുന്നില്ലെങ്കില് രക്ത പരിശോധന നടത്തുന്നത് നല്ലതാണ്. ശരീരത്തില് എന്ത് സംഭവിയ്ക്കുന്നു എന്നതിന്റെ ഏകദേശ രൂപം നല്കാന് ഇതുവഴി സാധിയ്ക്കും. ഏതൊക്കെ രക്തപരിശോധനകൾ ആണ് നടത്തേണ്ടത് എന്നറിയാൻ ഡോക്ടറുടെ നിർദ്ദേശം തേടുക.
ഇതോടൊപ്പം നെഗറ്റിവ് ഫലം വന്നയുടന് ലക്ഷണങ്ങള് അവഗണിയ്ക്കാതെ അവസ്ഥ സങ്കീര്ണമാക്കാതിരിയ്ക്കാനും ശ്രദ്ധിയ്ക്കണം. സ്വയം നിരീക്ഷണം നടത്തി ഉത്തരവാദിത്തത്തോടെ പെരുമാറുക എന്നത് കൂടി ഇപ്പോള് പ്രധാനമാണ്.
➖➖➖➖➖➖➖
ആൽഫ ലബോറട്ടറയിൽ എല്ലാ ലാബ്ടെസ്റ്റുകൾക്കും 100% കൃത്യത.
ലാബ് ടെസ്റ്റുകളുടെ ബ്ലഡ് കളക്ഷൻ വീട്ടിൽ എത്തി ചെയ്യുന്നു.
➖➖➖➖➖➖➖
എല്ലാ ഹോസ്പിറ്റലിലെയും ഏതു ഡോക്ടർ എഴുതിയ മരുന്നുകളും വീട്ടിൽ എത്തിച്ചു തരുന്നു ആൽഫ ഫാർമസി
➖➖➖➖➖➖➖
കൂടുതൽ അന്യേഷണങ്ങൾക്കും ബുക്കിംഗിനും whats Appലൂടെ മെസേജ് അയക്കാൻ ഇവിടെ ക്ലിക്ക് ചെയ്യൂ ..
ആൽഫ മെഡികെയർ : 9744568762
Comments