പ്രധാനമന്ത്രി നരേന്ദ്ര മോദിയുടെ ഫിറ്റ്നസ് രഹസ്യങ്ങൾ

പ്രധാനമന്ത്രി നരേന്ദ്രേ മോദിയുടെ ജന്മദിനമായിരുന്നു ഇന്നലെ. 70 വയസിലും ഊര്‍ജസ്വലനായി കാര്യങ്ങള്‍ ചെയ്യാൻ കഴിയുന്നതിന് കാരണം, അദ്ദേഹം പിന്‍തുടരുന്ന ചില ജീവിത ശൈലികള്‍ തന്നെയാണ്. ഈ പ്രായത്തിലും ചുറുചുറുക്കോടെ ഇദ്ദേഹത്തെ നില നിര്‍ത്തുന്നത് യോഗ പോലുള്ള കൃത്യമായി വ്യായാമ മുറകളും കൃത്യമായ ഭക്ഷണ ചിട്ടകളുമാണ്. അത് എന്തൊക്കെയെന്ന് നോക്കാം.

ഉറക്കം

ഉറക്കം ആരോഗ്യത്തിന് പ്രധാനമാണ്. നേരത്തെ എഴുന്നേല്‍ക്കുകയെന്നത് ആരോഗ്യത്തിന്റെ പ്രധാന പാഠമാണ്. 7-8 മണിക്കൂര്‍ ഉറക്കം എന്നത് തിരക്കുകള്‍ക്കിടയില്‍ സാധ്യമല്ലെങ്കില്‍ പോലും പുലര്‍ച്ചെ 4ന് ഉണര്‍ന്നെഴുന്നേല്‍ക്കുന്ന ശീലമാണ് മോദിയുടേത്. ഇത് അദ്ദേഹത്തിന്റെ ആരോഗ്യ കാര്യത്തില്‍ ഏറെ പ്രധാനവുമാണ്. മോദിയുടെ മാത്രമല്ല, പല പ്രശസ്തരുടേയും ആരോഗ്യകാര്യത്തില്‍ നേരത്തെ ഉണര്‍ന്നെഴുന്നേല്‍ക്കുകയെന്നത് ഏറെ പ്രധാനമാണ്. ശരീരത്തിനും മനസിലും ഉണര്‍വു നല്‍കുന്ന രീതിയാണിത്.

യോഗ

യോഗയും പ്രധാനമന്ത്രിയുമായുള്ള ബന്ധം വളരെ പ്രശസ്തമാണ്. യോഗ കൃത്യമായി ചെയ്യുന്ന, യോഗ ചെയ്യാന്‍ പ്രേരിപ്പിയ്ക്കുന്ന നേതാവാണ് നമ്മുടെ പ്രധാനമന്ത്രി. ഇദ്ദേഹം യോഗ ചെയ്യുന്ന വീഡിയോകളും ഫോട്ടോകളുമെല്ലാം ഏറെ പ്രസിദ്ധവുമാണ്. നടക്കുക എന്ന വ്യായാമ ശീലവും നമ്മുടെ പ്രധാനമന്ത്രിയ്ക്കുണ്ട്. വ്യായാമത്തിന് നിത്യജീവിതത്തില്‍ മുടങ്ങാത്ത സ്ഥാനം നല്‍കുന്ന നേതാവാണ് നരേന്ദ്ര മോദി. യോഗയില്‍ തന്നെ യോഗനിദ്രയെന്നത് ചെയ്യുന്ന ആളു കൂടിയാണ് ഇദ്ദേഹം. ആഴ്ചയില്‍ ഒന്നോ രണ്ടോ ദിവസം ഇദ്ദേഹം ഇതു ചെയ്യുന്നതായി സാമൂഹ്യമാധ്യമത്തില്‍ അദ്ദേഹം വെളിപ്പെടുത്തിയിട്ടുമുണ്ട്. ഇത് റിലാക്‌സ് ചെയ്യാനും ശരീരത്തിന്റെ ആകെയുളള ആരോഗ്യത്തിനും ഏറെ പ്രധാനമാണ്. യോഗയില്‍ ഡീപ് ബ്രിത്തിംഗ്, ധ്യാനം തുടങ്ങിവയെല്ലാം ഇദ്ദേഹം ചെയ്യാറുണ്ട്,

ഭക്ഷണം

ആരോഗ്യകരമായ ജീവിതശൈലികളില്‍ പ്രാതലിന് പ്രധാന സ്ഥാനമുണ്ടെന്ന് വ്യക്തമായ തിരിച്ചറിവുള്ളയാളാണ് നമ്മുടെ പ്രധാനമന്ത്രി. ഇതിനാല്‍ തന്നെ പ്രാതല്‍ കൃത്യമായി കഴിയ്ക്കുന്നയാളും. വെജിറ്റേറിയന്‍ ഭക്ഷണ രീതി പിന്‍തുടരുന്ന മോദി പൊഹ, ജിഞ്ചര്‍ ടീ തുടങ്ങിവയവയാണ് പ്രാതലിന് കഴിയ്ക്കാറ്. ഒപ്പം പഴങ്ങളും പച്ചക്കറികളും അദ്ദേഹത്തിന്റെ ഡയറ്റിന്റെ ഭാഗമാണ്. ഗുജറാത്തി വിഭവങ്ങള്‍ക്കൊപ്പം സൗത്ത് ഇന്ത്യന്‍ വിഭവങ്ങളും ഇഷ്ടപ്പെടുന്ന വ്യക്തിയാണ് ഇദ്ദേഹം. മിത ഭക്ഷണമെന്നതും ഉപവാസമെന്നതുമെല്ലാം മോദിയുടെ ആരോഗ്യ ചിട്ടകളില്‍ പ്രധാനമാണ്.

അസുഖങ്ങള്‍ക്ക് വീട്ടുവൈദ്യങ്ങള്‍ ഉപയോഗപ്പെടുത്തുന്നയാള്‍ കൂടിയാണ് ഇദ്ദേഹം. കോള്‍ഡ് വന്നാല്‍ ധാരാളം ചൂടുവെള്ളം കുടിയ്ക്കുക, ഉപവാസമെടുക്കുക തുടങ്ങിയ കാര്യങ്ങള്‍ ചെയ്യുന്ന ഇദ്ദേഹം കോവിഡ് കാലത്ത് രോഗപ്രതിരോധ ശേഷി വര്‍ദ്ധിപ്പിയ്ക്കാന്‍ സഹായിക്കുന്ന കാഡ എന്ന ആയുര്‍വേദ പാനീയം തയ്യാറാക്കി കുടിയ്ക്കാന്‍ ഉപദേശവും നല്‍കിയിരുന്നു. തുളസിയില, കുരുമുളക്, കറുവാപ്പട്ട, എലയ്ക്ക, ചുക്ക് തുടങ്ങിയ ആയുര്‍വേദ ചേരുവകളാല്‍ തയ്യാറാക്കുന്ന പാനീയമാണ് ഇത്.

മറ്റുള്ള കാര്യങ്ങൾക്ക് പ്രാധാന്യം കൊടുക്കുന്ന പോലെ, നമ്മുടെ ആരോഗ്യ കാര്യങ്ങൾക്ക് കൂടിയും കുറച്ച് പ്രാധാന്യം കൊടുക്കുക. അപ്പോൾ നമ്മളും കൂടുതൽ ഊർജസ്വലരാകും.

➖➖➖➖➖➖➖

ആൽഫ ലബോറട്ടറയിൽ എല്ലാ ലാബ്ടെസ്റ്റുകൾക്കും 100% കൃത്യത.

ലാബ് ടെസ്റ്റുകളുടെ ബ്ലഡ് കളക്ഷൻ വീട്ടിൽ എത്തി ചെയ്യുന്നു.

➖➖➖➖➖➖➖

എല്ലാ ഹോസ്പിറ്റലിലെയും ഏതു ഡോക്ടർ എഴുതിയ മരുന്നുകളും വീട്ടിൽ എത്തിച്ചു തരുന്നു ആൽഫ ഫാർമസി

➖➖➖➖➖➖➖

കൂടുതൽ അന്യേഷണങ്ങൾക്കും ബുക്കിംഗിനും whats Appലൂടെ മെസേജ് അയക്കാൻ ഇവിടെ ക്ലിക്ക് ചെയ്യൂ ..