ഗർഭകാലത്ത് ആവശ്യമുള്ള 5 പ്രധാന രക്ത പരിശോധനകൾ.. The 5 most important blood tests during pregnancy

ഗർഭകാലം ഒരു സ്ത്രീയുടെ ജീവിതത്തിലെ അത്യന്തം പ്രാധാന്യമുള്ള ഘട്ടമാണ്. ഗർഭിണി ആകുമ്പോൾ മുതൽ, ശരീരത്തിൽ  പല മാറ്റങ്ങളും നടക്കുന്നു, അതിനാൽ ആരോഗ്യപരമായ നിരീക്ഷണം വളരെ പ്രധാനമാണ്. ശരിയായ രീതിയിൽ ആരോഗ്യപരിശോധനകൾ നടത്തുന്നത്, ഗർഭാവസ്ഥയും പ്രസവവും എളുപ്പത്തിലാക്കാനും, കുഞ്ഞിന്റെ ആരോഗ്യം ഉറപ്പാക്കാനും സഹായകമാകും. ഈ ബ്ലോഗിൽ, ഗർഭകാലത്ത് ഏറ്റവും ആവശ്യമായ 5 രക്ത പരിശോധനകൾ ഏതാണ്, എന്ത് കൊണ്ട്  ഇവ ഗർഭകാലത്ത് ചെയ്തിരിക്കണമെന്നും വ്യക്തമാക്കുന്നു.

ഹീമോഗ്ലോബിൻ ടെസ്റ്റ് (HB Test)

ഹീമോഗ്ലോബിൻ ടെസ്റ്റ് ഗർഭിണിയുടെ രക്തത്തിലെ ചുവന്ന രക്താണുക്കളുടെ അളവ് പരിശോധിക്കാൻ ഉപയോഗിക്കുന്നു. ഗർഭകാലത്ത്, പലപ്പോഴും, അനീമിയ കണ്ടു വരാറുണ്ട്, അത് അമ്മയുടെ ആരോഗ്യത്തെ തന്നെ ബാധിക്കുകയും കുഞ്ഞിന്റെ വളർച്ചയ്ക്ക് തകരാറ് വരുത്തുകയും ചെയ്യാം. ഹീമോഗ്ലോബിൻ കുറവായാൽ, ഡോക്ടർ Iron ഗുളികകൾ ഉപയോഗിക്കാൻ നിർദ്ദേശിക്കും, ഇത് ഹീമോഗ്ലോബിന്റെ ഉൽപ്പാദനം ത്വരിതപെടുത്തുന്നു. ശരീരത്തിന്റെ പ്രവർത്തനം മികച്ച രീതിയിൽ നടത്താൻ സഹായിക്കും.

ബ്ലഡ് ഗ്രൂപ്പ് ടെസ്റ്റ്

ഗർഭകാലത്ത് ഈ പരിശോധന നിർണായകമാണ്. ഇത്, ഗർഭിണിയുടെ രക്ത ഗ്രൂപ്പ് മനസ്സിലാക്കുന്നതിനും, റീസസ് ഫാക്ടർ (Rh factor) പരിശോധിക്കുന്നതിനും സഹായിക്കുന്നു. Rh ഫാക്ടർ എന്താണെന്നാൽ, അമ്മയുടെ രക്തം പോസറ്റീവും   കുഞ്ഞിന്റെ  നെഗറ്റിവും  എന്ന രീതിയിൽ വ്യത്യസ്തമായ Rh ഫാക്ടറുകൾ ഉള്ളപ്പോൾ കുഞ്ഞിന്റെ രക്തത്തിൽ അവയുമായി പൊരുത്തം ഇല്ലാത്തതുകൊണ്ട് അമ്മയ്ക്ക് പിന്നീട് പ്രതിസന്ധികൾ  ഉണ്ടാകാം. ഇതൊഴിവാക്കാൻ  ബ്ലഡ് ഗ്രൂപ്പ്  ടെസ്റ്റ്  ചെയ്യുന്നത് അത്യാവശ്യമാണ്.

ബ്ലഡ് ഷുഗർ ടെസ്റ്റ് (Glucose Test)

ഗർഭകാല പ്രമേഹം (Gestational Diabetes) കണ്ടെത്തുന്നതിന് ബ്ലഡ് ഷുഗർ ടെസ്റ്റ് നടത്തുന്നു. ഗർഭകാലത്തിൽ രക്തത്തിലെ പഞ്ചസാരയുടെ അളവ് വളരെ കൂടുതലായാൽ, എന്നാൽ അത് നിയന്ത്രിക്കാൻ സാധിക്കാത്തപക്ഷം, കുഞ്ഞിന്റെ ആരോഗ്യത്തെ ബാധിക്കാം. ഗർഭകാല പ്രമേഹം കണ്ടെത്തേണ്ടതും അവ നിയന്ത്രിക്കേണ്ടതും വളരെ അത്യന്താപേക്ഷികമാണ്.

ടോർച്ച് ടെസ്റ്റ് (TORCH Test)

ടോർച്ച് ടെസ്റ്റ്, ഗർഭിണിയുടെ ശരീരത്തിൽ കുഞ്ഞിന്റെ ആരോഗ്യത്തിന് അപകടം ഉണ്ടാക്കുന്ന ചില വൈറസുകൾ, ബാക്റ്റീരിയകൾ  എന്നിവയെ കണ്ടെത്തുന്നു. ഇതിൽ ടോക്സോപ്ലാസ്മ, റൂബെല്ല, സൈറ്റോമേഗലോവൈറസ്, ഹെർപീസ് തുടങ്ങിയവ പ്രധാനമാണ്. ഈ രോഗങ്ങൾ കുഞ്ഞിന് ഗുരുതര ആരോഗ്യ പ്രശ്നങ്ങൾ ഉണ്ടാക്കാൻ ഇടയുള്ളവയാണ്. ഇത്തരം  അസുഖങ്ങൾക്ക് ട്രീട്മെന്റ് നേരത്തെ തുടങ്ങുന്നതാണ്  അഭികാമ്യം.

ഹെമാറ്റോളജിക്കൽ ടെസ്റ്റുകൾ (Complete Blood Count - CBC)

CBC ടെസ്റ്റ് ഗർഭിണിയുടെ രക്തത്തിലെ ചുവന്ന രക്തകണങ്ങൾ, വെള്ള രക്തകണങ്ങൾ, പ്ലേറ്റ്‌ലെറ്റുകൾ എന്നിവയുടെ അളവ് പരിശോധിക്കുന്നു. ഇത്, ഗർഭിണിയുടെ രക്തം, പ്രമേഹം, അണുബാധ തുടങ്ങിയവയുടെ സാധ്യതകൾ തിരിച്ചറിയാൻ സഹായിക്കുന്നു. ശാരീരിക പ്രശ്നങ്ങൾ കാര്യമായി ഇല്ലാതിരിക്കാൻ ഇത് നല്ല ഉപായമാണ്.