സ്ത്രീകളെ ബാധിയ്ക്കുന്ന സെര്വികല് ക്യാന്സര് തടയാന് എടുക്കാവുന്ന മുന്കരുതലുകൾ
- Alfa MediCare
- Jan 15, 2023
- 1 min read
സ്ത്രീകളെ ബാധിയ്ക്കുന്ന ക്യാന്സറുകളില് പ്രധാനപ്പെട്ട ഒന്നാണ് സെര്വികല് ക്യാന്സര് എന്നത്. ഇന്നത്തെ കാലത്ത് സ്ത്രീകളെ ബാധിയ്ക്കുന്ന രണ്ട് പ്രധാന ക്യാന്സറുകളില് ഒന്നാണ് സെര്വികല് ക്യാന്സര്. റ്റൊന്ന് ബ്രെസ്റ്റ് ക്യാന്സറും.
പ്രത്യുല്പാദന അവയവങ്ങളിൽ കാണുന്ന ഈ ക്യാന്സറിന് പ്രധാനപ്പെട്ട കാരണമാകുന്നത് എച്ച്പിവി വൈറസ് അഥവാ ഹ്യുമണ് പാപ്പിലോമ വൈറസ് ആണെന്നാണ് ആരോഗ്യ വിദഗ്ധർ പറയുന്നത്. വേള്ഡ് ഹെല്ത്ത് ഓര്ഗനൈസേഷന്റെ കണക്കു പ്രകാരം എച്ച്പിവിയാണ് 90ശതമാനം സെര്വിക്കല് ക്യാന്സറിനും കാരണമാകുന്ന്. ഇത് വികസിത രാജ്യങ്ങളില് അല്ല കണ്ടു വരുന്നത്. വൃത്തിക്കുറവും ഇന്ഫെക്ഷന് സാധ്യതകളും കൂടുതലുളള വികസ്വര രാജ്യങ്ങളിലാണ് ഇത് കൂടുതലും കണ്ടു വരുന്നത്.
എച്ച്ഐവി ഇന്ഫെക്ഷനുകള്, പുകവലി, പാരമ്പര്യം, രഹസ്യഭാഗത്തെ വൃത്തിക്കുറവ് തുടങ്ങിയ പല കാരണങ്ങളും ഇതിന് പുറകിലുണ്ട്. നേരത്തെ കണ്ടെത്തി ചികിത്സിച്ചാല് പൂര്ണമായും മുക്തി നേടാവുന്ന രോഗമാണ് ഇത്. ഡിജിറ്റല് ഹെല്ത്ത് പ്ലാറ്റ്ഫോമായ ഇംഎംആര് പോലുള്ളവ രോഗിയുടെ രോഗസാധ്യതകള് കണ്ടെത്തി പരിഹാരം നേരത്തെ തന്നെ കണ്ടെത്താന് സഹായിക്കുന്നവയാണ്.
സെര്വിക്കല് ക്യാന്സര് തടയാന് സഹായിക്കുന്ന ചില പ്രത്യേക കാര്യങ്ങളുമുണ്ട്. മറ്റേത് ക്യാന്സറും തടയുന്ന കാര്യത്തിലും സഹായകമായ ആരോഗ്യകരമായ ഡയറ്റ് ഇവിടെയും സഹായിക്കുന്നു. ഫാസ്റ്റ് ഫുഡ്, പ്രൊസ്സസ്ട് ഫുഡ്, അമിതമായ അളവില് എണ്ണയും എരിവും കലര്ന്ന ഭക്ഷണ സാധനങ്ങള് എന്നിവ കഴിയ്ക്കുന്നത് പൂര്ണമായും ഒഴിവാക്കുകയാണ് നല്ലത്. മദ്യപാനം പോലുള്ള കാര്യങ്ങള് നിയന്ത്രിയ്ക്കുക. ഇത് മാത്രമല്ല ആല്ക്കഹോള് അടങ്ങിയ പാനീയങ്ങളും ഒഴിവാക്കുക. ഇതിനോടൊപ്പം പച്ചക്കറികളും പഴങ്ങളും ശീലമാക്കുക.
പല ക്യാന്സറുകളുടേയും പ്രധാന കാരണമായ പുകവലി ഇവിടേയും വില്ലന് തന്നെയാണ്. പുകയില അടങ്ങിയ മറ്റ് സമാനമായ ലഹരി ഉത്പന്നങ്ങളും ഈ ക്യാന്സര് സാധ്യത വര്ദ്ധിപ്പിയ്ക്കും. അതിനാല് ഇത്തരം ശീലങ്ങള് പൂര്ണമായും നിര്ത്താന് ശ്രമിയ്ക്കുക. പുക വലിയ്ക്കുന്നവരുടെ അടുത്ത് നില്ക്കുന്നത് പോലും അപകടമാണ്. അതായത് നേരിട്ടല്ലാതെ സെക്കന്ററി പുകവലിയും ക്യാന്സര് കാരണമാകുന്നുവെന്നര്ത്ഥം
ശുചിത്വക്കുറവാണ് മറ്റൊരു പ്രധാന കാരണം. ഇതിനാല് ലൈംഗികശുചിത്വവും പ്രധാനം. ഒന്നിലധികം പേരുമായി സുരക്ഷിതമല്ലാത്ത രീതിയില് ശാരീരിക ബന്ധം പുലര്ത്തുന്നതും ഇത്തരം കാര്യങ്ങളില് വേണ്ടത്ര ശുചിത്വം പാലിയ്ക്കാത്തതും സെര്വിക്കല് ക്യാന്സറിനെ വിളിച്ചു വരുത്തുന്നതിന് തുല്യമാണ്.
അസാധാരണ ലക്ഷണങ്ങള് കണ്ടാല് ഉടന് മെഡിക്കല് സഹായം തേടുന്നത് പ്രധാനമാണ്. ഇതു പോലെ ഇതിനായുള്ള വാക്സിനുകള് ലഭ്യമായിത്തുടങ്ങിയിട്ടുണ്ട്. ഇവ കൗമാരത്തില് പെണ്കുട്ടികള്ക്ക് നല്കാന് സാധിയ്ക്കുന്നവയാണ്. ഇത്തരം മുന്കരുതലുകള് സ്വീകരിയ്ക്കുന്നതും. കൃത്യമായ ഇടവേളകളില് പാപ്സ്മിയര് ടെസ്റ്റ് നടത്തുന്നതും തുടക്കത്തില് തന്നെ രോഗ സാധ്യത തിരിച്ചറിയാന് സഹായിക്കും.
Comments