ഗർഭകാലത്തെ പൊണ്ണത്തടി: അമ്മക്കും കുഞ്ഞിനും ഉണ്ടായേക്കാവുന്ന ആരോഗ്യ പ്രശ്നങ്ങൾ.. Obesity during pregnancy: Possible health risks for mother and baby

ഗർഭകാലത്തെ പൊണ്ണത്തടി ഇന്ന് ആരോഗ്യ രംഗത്ത് വളരുന്ന ആശങ്ക പരത്തുന്ന ഒന്നാണ്. ഇത് അമ്മയും വളരുന്ന കുഞ്ഞും നേരിടേണ്ടി വരുന്ന നിരവധി ആരോഗ്യപ്രശ്നങ്ങൾക്കാണ് ഇടവരുത്തുന്നത്. ഗർഭധാരണ സമയത്തുള്ള  പൊണ്ണത്തടിയുടെ ദോഷഫലങ്ങൾ അമ്മയുടെ ആരോഗ്യത്തിലും കുഞ്ഞിന്റെ വളർച്ചയിലും ഗൗരവകരമായ പ്രതിഫലനങ്ങൾ ഉണ്ടാക്കുന്നു.

ഗർഭകാലത്തെ പൊണ്ണത്തടി അമ്മയ്ക്ക് വിവിധ ആരോഗ്യപ്രശ്നങ്ങൾക്കുള്ള സാധ്യത കൂട്ടുന്നു:

1. ഗർഭകാല രക്തസമ്മർദ്ദം (Gestational Hypertension)

പൊണ്ണത്തടിയുള്ള ഗർഭിണികൾക്ക് ഗർഭകാലത്ത് രക്തസമ്മർദ്ദം ഉയരാനുള്ള സാധ്യത കൂടുതലാണ്. ഇത് പ്രീഎക്ലാംപ്സിയ  പോലുള്ള പ്രശ്നങ്ങളിലേക്ക് നയിച്ചേക്കാം, അത് അമ്മയുടെയും കുഞ്ഞിന്റെയും ആരോഗ്യത്തിന് അപകടകരമാണ്.

2. പ്രസവാനന്തര രക്തസ്രാവം (Postpartum Hemorrhage)

പൊണ്ണത്തടിയുള്ള അമ്മമാർക്ക് പ്രസവശേഷം രക്തസ്രാവം കൂടുതലാകാൻ സാധ്യതയുണ്ട്. ഇത് ഗൗരവകരമായ അവസ്ഥകളിലേക്ക് നയിച്ചേക്കാം, എത്രയും വേഗം പരിഹരിക്കാത്തപക്ഷം ജീവന് തന്നെ വെല്ലുവിളിയാകും.

3. ത്രോംബോംബോളിസം (Thromboembolism)

പൊണ്ണത്തടി രക്തത്തിൽ കട്ടകളുണ്ടാവാനുള്ള സാധ്യത വർധിപ്പിക്കുന്നു. ഇത് ആഴത്തിലുള്ള സിരകളിലോ  (Deep Vein Thrombosis) അല്ലെങ്കിൽ പേശികളിലോ   (Pulmonary Embolism) പോലുള്ള ഗുരുതര അവസ്ഥകൾക്ക് ഇടയാക്കാം.

4. ഗർഭകാല മരണസാധ്യത (Maternal Mortality)

ഗർഭകാലത്തെ പൊണ്ണത്തടിയുള്ള അമ്മമാർക്ക് പ്രസവ സമയത്ത് മരണസാധ്യത കൂടുതലാണെന്ന് പഠനങ്ങൾ വ്യക്തമാക്കുന്നു. ഇത് തടയാൻ ഫലപ്രദമായ ഇടപെടലുകളും മുൻകരുതലുകളും അനിവാര്യമാണ്.

കുഞ്ഞിന്റെ ആരോഗ്യത്തെ പൊണ്ണത്തടി ബാധിക്കുന്നത് എങ്ങിനെയെന്ന് മനസിലാക്കാം.

അമ്മയുടെ പൊണ്ണത്തടി കുഞ്ഞിന്റെ വളർച്ചയ്ക്കും ആരോഗ്യത്തിനും നിരവധി വെല്ലുവിളികൾ സൃഷ്ടിക്കുന്നു:

1. മാക്രോസോമിയ (Macrosomia)

പൊണ്ണത്തടിയുള്ള അമ്മമാർക്ക് ഭാരക്കൂടുതലുള്ള കുഞ്ഞു ജനിക്കാനുള്ള സാധ്യത കൂടുതലാണ്. ഇത് പ്രസവ സമയത്ത് ഉണ്ടാകുന്ന  പ്രശ്നങ്ങൾക്കും കുട്ടിക്ക് അപകടങ്ങൾ പറ്റാനും ഇടയാക്കാം.

2. Stillbirth

കുഞ്ഞ് ഗർഭകാലത്തോ പ്രസവ സമയത്തോ മരിക്കുന്ന സ്ഥിതി. പൊണ്ണത്തടി ഉള്ള അമ്മമാർക്ക് ഇത്തരത്തിലുള്ള അപകടസാധ്യത വർധിക്കാം, അതിനാൽ ഭാര നിരീക്ഷണവും ഇടപെടലുകളും ശക്തമാക്കണം.

3. ബാല്യകാല പൊണ്ണത്തടി (Childhood Obesity)

പൊണ്ണത്തടിയുള്ള അമ്മമാർക്ക് ജനിക്കുന്ന കുട്ടികൾക്കും വളരെയധികം പൊണ്ണത്തടി അനുഭവപ്പെടാം. ഇത് ഭാവിയിൽ തുടർച്ചയായുള്ള ആരോഗ്യപ്രശ്നങ്ങൾ സൃഷ്ടിക്കാനും സാധ്യത ഉണ്ടാക്കുന്നു.

4. മെറ്റബോളിക് അസുഖങ്ങൾ (Metabolic Disorders)

പൊണ്ണത്തടിയുള്ള അമ്മമാരുടെ കുട്ടികൾക്ക് പ്രമേഹവും ഇൻസുലിൻ പ്രതിരോധവും പോലുള്ള മെറ്റബോളിക് പ്രശ്നങ്ങൾ ഉണ്ടാകാനുള്ള സാധ്യത കൂടുതലാണ്.

പൊണ്ണത്തടിയുമായി ബന്ധപ്പെട്ട പ്രശ്നങ്ങൾ കുറയ്ക്കാൻ നടപ്പാക്കാവുന്ന ചില കാര്യങ്ങൾ ഇതാ:

• സ്ത്രീകൾ ഗർഭധാരണത്തിന് മുൻപ് തന്നെ ശരിയായ ഭാരം നിലനിർത്താനുള്ള മാർഗങ്ങളെക്കുറിച്ച് ബോധവാൻമാരാകണം.

•  ഗർഭകാല പരിചരണം മികച്ചതാക്കാം 

• ആരോഗ്യകരമായ ജീവിതശൈലി പ്രോത്സാഹിപ്പിക്കുക.

• നിരന്തരം വ്യായാമം ചെയ്യാനും നല്ല ഭക്ഷണരീതി സ്വീകരിക്കാനും ഗർഭിണികളെ പ്രോത്സാഹിപ്പിക്കുക.

• ആരോഗ്യകരമായ ഭക്ഷണം കഴിക്കുക, ശരീരഭാരം നിയന്ത്രിക്കാൻ സഹായിക്കുന്ന കാര്യങ്ങൾ ചെയ്യുക. ആവശ്യമായ നിർദേശങ്ങൾക്ക് ഡോക്ടറെ സമീപിക്കുക. നിർദേശങ്ങൾ  പാലിക്കുക  എന്നിവ സമൂഹനിലവാരത്തിൽ പ്രോത്സാഹിപ്പിക്കണം.