കുട്ടികളുടെ മാനസിക വളര്ച്ചയും സ്ക്രീന് അഡിക്ഷനും
- Alfa MediCare
- Jun 25, 2022
- 2 min read
ഇന്ന് കുട്ടികളെ ബഹളം വെയ്ക്കാതെ ഒരു സ്ഥലത്ത് ഇരുത്തുവാന് അമ്മമാര് ഒന്നുകില് കുട്ടികള്ക്ക് ടിവിയില് കാര്ട്ടൂണ് വെച്ച് കൊടുക്കും. അല്ലെങ്കില് ഫോണ് കളിക്കുവാന് കൊടുക്കും. ഇത്തരത്തില് കുട്ടികള് ചെറുപ്പം മുതല് ടിവിയിലും, മൊബൈല്ഫോണിലും അഡിക്ഷന് ആവുകയാണ്. അതിന്റെ ഫലമെന്നോണം, കാര്ട്ടൂണ് മാറ്റിയാല് കുട്ടികള് ബഹളം വയ്ക്കുന്നത്. അല്ലെങ്കില് മൊബൈല് ഫോണ് ലഭിക്കുന്നതിനായി വാശിപിടിക്കുന്നതെല്ലാം ഇന്ന് സര്വ്വസാധാരണയായി കണ്ടുകൊണ്ടിരിക്കുകയാണ്. ഇതെല്ലാം കുട്ടികളില് സ്ക്രീന് അഡിക്ഷന് കൂടുന്നതിന്റെ ലക്ഷണമാണ്.
സ്ക്രീന് അഡിക്ഷന് കൂടുമ്പോഴാണ് കുട്ടികള്ക്ക് ഒന്നിലും ശ്രദ്ധിക്കുവാന് സാധിക്കാത്തതും അത് ആത്മഹത്യ പോലുള്ളതിലേയ്ക്കും മറ്റ് മാനസിക പ്രശ്നങ്ങളിലേയ്ക്കും നയിക്കുന്നത്. അതുകൊണ്ടു തന്നെയാണ് സ്ക്രീന് അഡിക്ഷനും ആത്മഹത്യാ പ്രവണതയും എന്ന വിഷയത്തെ ആസ്പദമാക്കി കേരള പോലീസ് ക്ലിനിക്കല് സൈക്കോളജിസ്റ്റ് സോനു എസ് ദേവിന്റെ ക്ലാസ് സംഘടിപ്പിക്കുന്നതു തന്നെ. ഏതെല്ലാം രീതിയില് സ്ക്രീന് അഡിക്ഷന് ഉണ്ട് എന്ന് നോക്കാം.
1. ഇന്റര്നെറ്റ് അഡിക്ഷന്
2. ഇന്റര്നെറ്റ് ഗെയ്മിംഗ് അഡിക്ഷന്
3. വീഡിയോ ഗെയിം അഡിക്ഷന്
4. യുട്യൂബ് അഡിക്ഷന്
5. മൊബൈല്ഫോണ് അഡിക്ഷന്
6. ഫേയ്സ്ബുക്ക് അഡിക്ഷന്
7. ടി വി അഡിക്ഷന്
സ്ക്രീനിനു മുന്പില് കുറേ സമയം ചിലവഴിക്കുന്നതാണ് സ്ക്രീന് അഡിക്ഷന് എന്ന് പൊതുവില് പറയുന്നത്. രാത്രിയില് പോലും ഉറക്കമില്ലാത്ത തരത്തില് ഇത്തരം സ്ക്രീന് അഡിക്ഷന് ഓരോ കുട്ടികളേയും അതുപോലെ മുതിര്ന്നവരെ ആയാലും മാറ്റുന്നുണ്ട്. സ്ക്രീന് അഡിക്ഷന്റെ ലക്ഷണങ്ങള് എന്തെല്ലാം എന്ന് പരിശോധിക്കാം.
1.ഫോണ് ഇല്ലാതെ ഇരിക്കുവാന് സാധിക്കാത്ത അവസ്ഥ-കുട്ടികള്ക്ക് മൊബൈല്ഫോണും അതുപോലെ ടിവിയും ഉപയോഗിക്കാതിരിക്കുവാന് സാധിക്കാത്ത അവസ്ഥയാണ് സ്ക്രീന് അഡിക്ഷന്റെ പ്രധാന ലക്ഷണങ്ങളില് ഒന്നായി സൂചിപ്പിക്കുന്നത്. അതായത്, ചിലപ്പോള് കുറച്ച് നേരം മാത്രം കണ്ടാല് മതി അല്ലെങ്കില് ഫോണ് ഉപയോഗിക്കാന് തരാം എന്ന് പറഞ്ഞാലും ആ സമയം കഴിഞ്ഞാലും കുട്ടികള്ക്ക് അതില് നിന്നും പിന്മാറുവാന് പറ്റാത്ത അവസ്ഥ. വീണ്ടും കാണുവാന് വാശിപിടിക്കുന്നതെല്ലാം സ്ക്രീന് അഡിക്ഷന്റെ ലക്ഷണമാണ്.
2.മറ്റുകാര്യങ്ങള് ഒന്നും ചെയ്യുവാന് താല്പര്യമില്ലാത്തത്-എല്ലായ്പ്പോഴും ടിവി കണ്ടുകൊണ്ടിരിക്കുവാന് അല്ലെങ്കില് മൊബൈലില് കളിച്ചുകൊണ്ടിരിക്കുവാന് മാത്രമായിരിക്കും സ്ക്രീന് അഡിക്ഷന് ഉള്ള കുട്ടികള്ക്ക് താല്പര്യം. മറ്റു കാര്യങ്ങളില് ഒന്നും താല്പര്യം കാണിക്കാതെ ഇതില് തന്നെ ശ്രദ്ധ കേന്ദ്രീകരിച്ച് ഇരിക്കും. അതുപോലെ പുറത്തുപോയി ഓടിക്കളിക്കുവാനോ അല്ലെങ്കില് എന്തെങ്കിലും കളിപ്പാട്ടങ്ങളോടോ ഒന്നും തന്നെ താല്പര്യം കാണിച്ചെന്നു വരികയില്ല.
3.ചിന്തകളെ സ്വാധീനിക്കുന്നു-കാര്ട്ടൂണിന്റെ അടുത്ത എപിസോഡ് വരുന്നതും കാത്തിരിക്കുന്നത്, അതുപോലെ ഓരോ കാര്ട്ടൂണിലെ സീനുകളും അതുപോലെ യുട്യൂബില് ഏതെങ്കിലും ഒരു ചാനല് സ്ഥിരമായി കാണുന്നതുമെല്ലാം കുട്ടികളുടെ ചിന്തകളെ ഇവ ആക്രമിച്ചു കൊണ്ടിരിക്കുകയാണ്. ഇവ കുട്ടികളില് എത്രത്തോളം സ്വാധീനം ചെലുത്തുന്നുണ്ട് എന്നെല്ലാം മനസ്സിലാക്കുവാന് സാധിക്കും.
4.കുട്ടികളിലെ വികാരങ്ങളെപോലും ഇവ സ്വാധീനിച്ചെന്നുവരാം-കുട്ടികളുടെ സന്തോഷവും ദുഃഖവും ടെന്ഷനുമെല്ലാം ഇവര് കാണുന്ന കാര്ട്ടൂണും അതുപോലെ യുട്യൂബ് ചാനലിലെ കണ്ടന്റും അനുസരിച്ചായിരിക്കും ഇരിക്കുന്നത്. ഇതു തന്നെയായിരിക്കും ഒരു ദിവസം കുട്ടികള് എങ്ങിനെയായിരിക്കണം എന്നതു പോലും നിയന്ത്രിക്കുന്നത്. അത് വീഡിയോ ഗെയിംസ് കളിക്കുന്ന കുട്ടികളിലായാലും അതെ. കളിയില് അവര് വിജയിച്ചാല് അവര്ക്ക് സന്തോഷവും എന്നാല് പരാജയപ്പെട്ടാല് അന്നത്തെ ദിവസം മൊത്തം വിഷമിച്ച് ഇരിക്കുന്ന അവസ്ഥയും കാണാം.
കുട്ടികള്ക്ക് സ്ക്രീന് അഡിക്ഷന് വളരെയധികം കൂടുന്നത് അവരുടെ മാനസിക വളര്ച്ചയേയും ജീവിതത്തേയും കാര്യമായി ബാധിക്കും. അതിനാൽ തന്നെ കുട്ടികളിലെ ഇത്തരം ശീലങ്ങൾ ഒഴിവാക്കുന്നതിന് വേണ്ടി, ഒരു പരിധി വരെ മാത്രം മൊബൈലോ, ഇന്റര്നെറ്റ് ഗെയ്മിങ്ങോ, ടി.വിയോ കാണിക്കുക. അല്ലാത്ത സമയങ്ങളിൽ മറ്റു കുട്ടികളുമായി ചേർന്ന് കളിക്കുന്നതിന് അവരെ പ്രേരിപ്പിക്കുക.
Comments