സ്കിൻ ക്യാൻസർ തടയാൻ സ്വീകരിക്കേണ്ട മാർഗ്ഗങ്ങൾ measures to be taken to prevent skin cancer

സ്കിൻ ക്യാൻസർ തടയാൻ സ്വീകരിക്കേണ്ട മാർഗ്ഗങ്ങൾ measures to be taken to prevent skin cancer

ലോകത്ത് വർധിച്ചുവരുന്ന ക്യാൻസർ വിഭാഗങ്ങളിൽ മുൻനിരയിലാണ് സ്കിൻ ക്യാൻസർ. ഇന്ത്യയിലെ ജനങ്ങളിൽ നേരത്തെ വളരെ കുറഞ്ഞ ആളുകളിൽ മാത്രമേ സ്കിൻ ക്യാൻസർ കാണപ്പെട്ടിരുന്നുള്ളൂ, എന്നാൽ നിലവിൽ ഈ വിഭാഗം ക്യാൻസർ ബാധിക്കുന്നവരുടെ എണ്ണം ക്രമാതീതമായി വർധിച്ചുകൊണ്ടിരിക്കുകയാണ്. ഇതുവരെ രണ്ടു വിധത്തിലുള്ള സ്കിൻ ക്യാൻസറുകൾ കണ്ടെത്തിയിട്ടുണ്ട്. ക്യാൻസർ ഉത്ഭവിക്കുന്ന കോശങ്ങളെ അടിസ്ഥാനമാക്കിയാണ് ഏത് തരം സ്കിൻ ക്യാൻസർ ആണ് ഒരാളെ ബാധിച്ചിരിക്കുന്നത് എന്ന് തീരുമാനിക്കുന്നത്.

സ്കിൻ ക്യാൻസർ തടയാൻ സ്വീകരിക്കേണ്ട മാർഗ്ഗങ്ങൾ measures to be taken to prevent skin cancer

1.നോൺ മെലനോസൈറ്റിക് സ്കിൻ കാൻസറുകൾ (NMSC)- ഇവ ചർമ്മത്തിന്റെ ഏറ്റവും മുകളിലെ പാളിയായ പുറം തൊലിയിൽ നിന്നാണ് ഉണ്ടാകുന്നത്. ഈ ക്യാൻസറിന്റെ ഏറ്റവും സാധാരണമായ തരം ബേസൽ സെൽ കാർസിനോമയും സ്ക്വാമസ് സെൽ കാർസിനോമയുമാണ്.

2.മെലനോസൈറ്റിക് സ്കിൻ ക്യാൻസർ (MSC)-ഇവ മെലനോസൈറ്റുകളിൽ നിന്നാണ് ഉത്ഭവിക്കുന്നത്, അതായത് മെലാനിൻ ഉത്പാദിപ്പിക്കുന്ന കോശങ്ങൾ.

സ്കിൻ ക്യാൻസർ തടയാൻ സ്വീകരിക്കേണ്ട മാർഗ്ഗങ്ങൾ measures to be taken to prevent skin cancer

40 വയസിന് മുകളിൽ പ്രായമുള്ളവരിലാണ് സ്കിൻ ക്യാൻസർ ഏറ്റവുമധികം ബാധിച്ചു കാണുന്നത്. അതിൽ തന്നെ കൂടുതൽ നേരം സൂര്യപ്രകാശമേൽക്കുന്നവരിലും വെയിൽ ഏൽക്കുന്ന സമയങ്ങളിൽ വേണ്ടത്ര സംരക്ഷണ രീതികൾ സ്വീകരിക്കാത്തവരുടെ ചർമ്മത്തിത്തിലും ആണ് ക്യാൻസർ കോശങ്ങൾ വളർന്നു തുടങ്ങുന്നത്.

സ്ത്രീകളെക്കാൾ പുരുഷന്മാരിലാണ് സ്കിൻ ക്യാൻസർ കൂടുതലായി കാണപ്പെടുന്നതെന്ന് വിദഗ്ദർ അഭിപ്രായപ്പെടുന്നു. കൽക്കരി, ടാർ, മറ്റ് ഹൈഡ്രോകാർബണുകൾ എന്നിവയുമായി അടുത്തിടപഴകുന്ന ആളുകളിലും ചർമത്തിൽ അർബുദ ബാധയുണ്ടാക്കും.

സ്കിൻ ക്യാൻസർ തടയാൻ സ്വീകരിക്കേണ്ട മാർഗ്ഗങ്ങൾ measures to be taken to prevent skin cancer

സ്കിൻ കാൻസറിൽ നിന്ന് സ്വയം സംരക്ഷിക്കുന്നതിനായി ചില കാര്യങ്ങൾ ശ്രദ്ധിക്കുന്നത് നല്ലതാണ്. അവ ഇതൊക്കെയാണ്:

1.രാവിലെ 10 മുതൽ വൈകുന്നേരം 4 വരെ നേരിട്ട് സൂര്യപ്രകാശം ഏൽക്കുന്നത് ഒഴിവാക്കുക. സാധ്യമാകുമ്പോഴെല്ലാം തണൽ തേടുക.

2.കോട്ടൺ തുണിത്തരങ്ങൾ കൊണ്ട് നിർമ്മിച്ച ഫുൾ സ്ലീവ് ഡാർക്ക് പ്രൊട്ടക്ഷൻ വസ്ത്രങ്ങൾ ധരിക്കുക.

3.അൾട്രാവയലറ്റ് സംരക്ഷണ ഫിൽട്ടറുകളുള്ള വീതിയേറിയ തൊപ്പികൾ, ശിരോവസ്ത്രം, സൺഗ്ലാസ് എന്നിവ ധരിക്കുക.

4.സൂര്യപ്രകാശമേൽക്കുന്നതിനു കുറഞ്ഞത് 15 മിനിറ്റ് മുമ്പ് ശരീരത്തിന്റെ തുറന്ന ഭാഗങ്ങളിൽ വലിയ അളവിൽ സൺക്രീൻ പുരട്ടുക. UVA, UVB കിരണങ്ങളിൽ നിന്ന് മതിയായ സംരക്ഷണം നൽകുന്ന SPF 30 അല്ലെങ്കിൽ ഉയർന്നതുമായ ഫോർമുലേഷൻ ഉപയോഗിക്കുക. SPF 50 മികച്ച ഓപ്ഷനാണ്.

5.വിയർക്കാനോ അല്ലെങ്കിൽ മറ്റേതെങ്കിലും വഴിയിലൂടെ നനയാനോ സാധ്യതയുണ്ടെങ്കിൽ വാട്ടർപ്രൂഫ് അല്ലെങ്കിൽ വാട്ടർ റെസിസ്റ്റന്റ് സൺസ്ക്രീൻ ഉപയോഗിക്കുക. ഓരോ രണ്ട് മണിക്കൂറിലും വീണ്ടും ഇത് അപ്ലൈ ചെയ്യണം. വേനൽക്കാലത്ത് ലോഷൻ അല്ലെങ്കിൽ ജെൽ ഫോർമുലേഷനുകൾക്കും, ശൈത്യകാലത്ത് ക്രീം ഫോർമുലേഷനുകൾക്കും മുൻഗണന നൽകുക.

6.ഇരുമ്പ്, കാൽസ്യം, സിങ്ക്, വിറ്റാമിൻ സി എന്നിവ അടങ്ങിയ ഭക്ഷണം കഴിക്കുക, ഇവയിൽ നല്ല രീതിയിൽ ആന്റിഓക്‌സിഡന്റുകൾ അടങ്ങിയിരിക്കുന്നതിനാൽ സൂര്യപ്രകശമേൽക്കുന്നത് മൂലമുള്ള ക്യാൻസർ കോശങ്ങളുടെ വളർച്ച തടയും.

സ്കിൻ ക്യാൻസർ തടയാൻ സ്വീകരിക്കേണ്ട മാർഗ്ഗങ്ങൾ measures to be taken to prevent skin cancer

ശരീരം മുഴുവനായി വ്യക്തമായി കാണാൻ കഴിയുന്ന ഒരു കണ്ണാടിയിൽ മാസത്തിൽ ഒരു തവണയെങ്കിലും സ്വയം ശരീര പരിശോധന നടത്തുന്നത് ഏറ്റവും മികച്ച വഴിയാണ്. ശരീരത്തിൽ നിലവിലുള്ള എല്ലാ അടയാളങ്ങളും തീർച്ചയായും അറിഞ്ഞിരിക്കണം. എങ്കിൽ മാത്രമേ പുതിയ അടയാളങ്ങൾ രൂപപ്പെട്ടിട്ടുണ്ടെങ്കിൽ അവ തിരിച്ചറിയാൻ സാധിക്കൂ. ചെറിയ കണ്ണാടി ഉപയോഗിച്ച് ശരീരത്തിൻറെ എല്ലാ വശങ്ങളും പരിശോധിക്കേണ്ടത് അത്യാവശ്യമാണ്. കൈകാലുകൾ,സ്വകാര്യ ഭാഗങ്ങൾ, തുടകളുടെ ഉൾവശം, നിതംബം എന്നിവിടങ്ങൾ നിരീക്ഷിക്കാൻ മറക്കരുത്. സൂര്യപ്രകാശമേൽക്കുന്ന ഭാഗങ്ങളിൽ ചർമ ക്യാൻസർ കോശങ്ങൾ കൂടുതലായി വളരാൻ സാധ്യതയുള്ളതിനാൽ മുഖം, കഴുത്ത്, നെഞ്ച്, പുറം, കൈകാലുകൾ, നഖങ്ങൾ എന്നിവിടങ്ങളിൽ അധികമായി ശ്രദ്ധിക്കണം. പുതുതായി കാണുന്ന എല്ലാ പാടുകളും നിരീക്ഷിക്കണം.

സ്കിൻ ക്യാൻസർ തടയാൻ സ്വീകരിക്കേണ്ട മാർഗ്ഗങ്ങൾ measures to be taken to prevent skin cancer

സ്കിൻ ക്യാൻസറിന്റെ ലക്ഷണങ്ങൾ എന്തൊക്കെയാണെന്ന് അറിഞ്ഞിരിക്കാം.

1.ചർമത്തിൽ കാണപ്പെടുന്ന ചില പാടുകൾ

2.ചുറ്റും വെള്ള നിറത്തിൽ അരികുകളുള്ള ഉയർന്ന പാടുകൾ

3.ഉണങ്ങാത്ത വ്രണങ്ങൾ അല്ലെങ്കിൽ മുറിവുകൾ

4.6 മില്ലീമീറ്ററിലധികം വ്യാസമുള്ള, പ്രത്യേക നിറമുള്ളതും വലുപ്പത്തിൽ അതിവേഗം വികസിക്കുന്നതുമായ ഇരുണ്ട കലകൾ.

5.ഉപരിതലത്തിലോ സംവേദന ക്ഷമതയിലോ മാറ്റം

സ്കിൻ ക്യാൻസർ തടയാൻ സ്വീകരിക്കേണ്ട മാർഗ്ഗങ്ങൾ measures to be taken to prevent skin cancer

കൊവിഡിൻറെ പശ്ചാത്തലത്തിൽ അത്യാവശ്യ ഘട്ടത്തിൽ മാത്രം ആശുപത്രിയിൽ പോകുക എന്നതാണ് രീതി. എന്നാൽ കാണുന്ന ചില നിസാരമെന്ന് തോന്നുന്ന ലക്ഷണങ്ങൾ ഗുരുതരമായ ചില രോഗങ്ങളുടെ പ്രാരംഭ സൂചനകൾ ആകാം. അതിനാൽ നേരിട്ട് ഡോക്ടറെ കണ്ടില്ലെങ്കിലും ടെലി മെഡിസിൻ വഴിയെങ്കിലും ഇത്തരം കാര്യങ്ങൾ ഡോക്ടറെ അറിയിക്കേണ്ടത് അത്യാവശ്യമാണ്. രോഗം കണ്ടെത്താനും ചികിത്സ തേടാനും എത്രത്തോളം വൈകുന്നുവോ അത്രയും സമയമെടുക്കും രോഗം ഭേദമാകാനും. അതിനാൽ ഒരു ലക്ഷണങ്ങളെയും അവഗണിക്കരുത്.