ശരീരത്തിലെ രക്തയോട്ടം മെച്ചപ്പെടുത്തി ഓക്സിജന്റെ അളവ് നിലനിർത്താം

ശരീരത്തിലെ രക്തയോട്ടം മെച്ചപ്പെടുത്തി ഓക്സിജന്റെ അളവ് നിലനിർത്താം

കൊവിഡ്-19 പകർച്ചവ്യാധിയുടെ രണ്ടാം തരംഗത്തിനിടയിൽ രാജ്യത്ത് ഓക്സിജൻ ലഭ്യതയുടെ പ്രതിസന്ധിക്ക് നാമെല്ലാം സാക്ഷ്യം വഹിച്ചതാണ്. ഓക്സിജന്റെ അളവ് നിലനിർത്തുന്നതിന് ശരീരത്തിലെ രക്തയോട്ടം വർദ്ധിപ്പിക്കുന്നത് വളരെ പ്രധാനമാണ്. ഓക്സിജന്റെയും മറ്റ് സുപ്രധാന ഘടകങ്ങളുടെയും വാഹകനായ രക്തം മനുഷ്യ ശരീരത്തിലെ ഏറ്റവും അവശ്യ ദ്രാവകമാണ്. ഓക്സിജനേയും പോഷകങ്ങളേയും കോശങ്ങളിലേക്ക് എത്തിക്കുന്ന രക്തചംക്രമണം മുതൽ ഉപാപചയ മാലിന്യങ്ങളെ കോശങ്ങളിൽ നിന്ന് വേർതിരിക്കുന്നത് വരെയുള്ള പ്രവർത്തനങ്ങൾ ചെയ്തുകൊണ്ട് രക്തം നമ്മുടെ നിലനിൽപ്പിന് ഏറ്റവും പ്രധാന പങ്ക് വഹിക്കുന്നു.

നിരന്തരമായ സുപ്രധാന പ്രവർത്തനങ്ങൾ നിർവ്വഹിക്കുന്നതിനൊപ്പം ശക്തമായ വെളുത്ത രക്താണുക്കൾ നിർമ്മിച്ച് പരിസ്ഥിതിയിലെ അണുബാധകളെയും അലർജികളെയും പ്രതിരോധിക്കുക എന്ന ധർമം കൂടി രക്തത്തിനുണ്ട്. അത്കൊണ്ട് തന്നെ നമ്മുടെ ശരീരത്തിന് ആവശ്യമായ ആരോഗ്യകരവും സ്വാഭാവികവുമായ രക്തം വർദ്ധിപ്പിക്കണം. ശരീരത്തിലെ രക്തയോട്ടം വർദ്ധിപ്പിക്കുന്നതിനുള്ള എളുപ്പവഴികളിൽ ഒന്ന് ഭക്ഷണക്രമത്തിൽ മാറ്റം വരുത്തുകയും ശരീരത്തിന് മതിയായ പോഷണം നൽകുന്ന ഭക്ഷണങ്ങൾ ചേർക്കുകയും ചെയ്യുക എന്നതാണ്. അതിന് വേണ്ടി ദൈനംദിന ഭക്ഷണക്രമത്തിൽ ചേർക്കേണ്ട കുറച്ച് ഭക്ഷണങ്ങൾ ഏതൊക്കെയാണെന്ന് നോക്കാം.

ശരീരത്തിലെ രക്തയോട്ടം മെച്ചപ്പെടുത്തി ഓക്സിജന്റെ അളവ് നിലനിർത്താം

ശരീരത്തിലെ രക്തയോട്ടം മെച്ചപ്പെടുത്തി ഓക്സിജന്റെ അളവ് നിലനിർത്താം

1.ബീറ്റ്റൂട്ട്-ഇത് പോലുള്ള വേരുകളിൽ വളരുന്ന പച്ചക്കറികൾ ധാതുക്കളുടെയും ആരോഗ്യകരമായ നാരുകളുടെയും ഗുണം കൊണ്ട് നിറഞ്ഞിരിക്കുന്നു, ഇവയിൽ അടങ്ങിയ ഇരുമ്പ്, ഫോളേറ്റ്, ആന്റിഓക്‌സിഡന്റുകൾ എന്നിവയുടെ സംയോജനം രക്തത്തെ ശുദ്ധീകരിക്കാനും ശരീരത്തിലെ സ്വാഭാവിക ഓക്സിജന്റെ ഒഴുക്ക് മെച്ചപ്പെടുത്താനും സഹായിക്കുന്നു. എന്തിനധികം, കരൾ ആരോഗ്യം വർദ്ധിപ്പിക്കുന്നതിനും ബീറ്റ്റൂട്ട് ജ്യൂസ് ഗുണകരമാണ്.

2.മാതളനാരങ്ങ-ഇതിലെ പോളിഫെനോൾ, നൈട്രേറ്റ് തുടങ്ങിയ ആന്റിഓക്‌സിഡന്റുകളുടെ ഗുണങ്ങൾ രക്തത്തിന്റെ അളവ് മെച്ചപ്പെടുത്തുവാനും രക്തം കട്ടപിടിക്കുന്നത് തടയുന്നതിനും സഹായിക്കുന്നു. ഇത് രക്തക്കുഴലുകളിലേക്ക് രക്തവും ഓക്സിജനും സുഗമമായി ഒഴുകുന്നതിനും അവസരമൊരുക്കുന്നു. മാതളനാരങ്ങയിലെ വിറ്റാമിൻ സി രോഗപ്രതിരോധ ശേഷി വർദ്ധിപ്പിക്കുകയും, പൊട്ടാസ്യം രക്തസമ്മർദ്ദം ഫലപ്രദമായി കൈകാര്യം ചെയ്യാൻ സഹായിക്കുകയും ചെയ്യുന്നു.

ശരീരത്തിലെ രക്തയോട്ടം മെച്ചപ്പെടുത്തി ഓക്സിജന്റെ അളവ് നിലനിർത്താം.

3.സരസഫലങ്ങൾ-മധുരവും പുളിയുമുള്ള സരസഫലങ്ങൾ (ബെറി പഴങ്ങൾ) പ്രതിരോധശേഷി വർദ്ധിപ്പിക്കുന്നതിന് അനുയോജ്യമാണ്, അവയിൽ സമ്പന്നമായ അളവിൽ അടങ്ങിയിട്ടുള്ള സിങ്ക്, ആന്റിഓക്‌സിഡന്റ് എന്നിവ സ്വാഭാവികമായും രക്തയോട്ടം വർദ്ധിപ്പിക്കാൻ സഹായിക്കുന്നു, ഇത് ഓക്സിജന്റെ അളവും വർദ്ധിപ്പിക്കാൻ സഹായിക്കുന്നു. അതിനാൽ ഇത്തരം ഫലങ്ങൾ പതിവായി ആഹാര ശീലത്തിൽ ചേർക്കാം.

4.കറുവപ്പട്ട-ഈ സുഗന്ധവ്യഞ്ജനത്തിൽ അതിശയകരമായ രോഗശാന്തി ഫലങ്ങൾ അടങ്ങിയിരിക്കുന്നു. ചായ, സൂപ്പുകൾ, സലാഡുകൾ എന്നിവയിൽ കറുവപ്പട്ട ഒരു ചെറിയ അളവ് ചേർക്കുന്നത് സ്വാഭാവികമായും രക്തചംക്രമണം വർദ്ധിപ്പിക്കാനും രക്തത്തിന്റെ അളവ് കൂട്ടാനും സഹായിക്കുന്നു. മാത്രമല്ല, ഈ സുഗന്ധവ്യഞ്ജനങ്ങൾ പ്രതിരോധശേഷി വർദ്ധിപ്പിക്കുകയും, ശരീര ഭാരം നിയന്ത്രിക്കാൻ സഹായിക്കുകയും ചെയ്യുന്നു.

5.വെളുത്തുള്ളി-രോഗപ്രതിരോധ ശേഷി, ഹൃദയാരോഗ്യം, ദഹനം എന്നിവ മെച്ചപ്പെടുത്തുന്നത് മുതൽ രക്തചംക്രമണം വർദ്ധിപ്പിക്കുന്നത് വരെ ആരോഗ്യപരമായ പല ഗുണങ്ങൾ നിറഞ്ഞതാണ് വെളുത്തുള്ളി. പഠനമനുസരിച്ച്, ദിവസവും വെളുത്തുള്ളി കഴിക്കുന്നത് രക്തത്തിന്റെ ഒഴുക്ക്, രക്തസമ്മർദ്ദം, ഹൃദയാരോഗ്യം എന്നിവ മെച്ചപ്പെടുത്താൻ സഹായിക്കും. വെളുത്തുള്ളി മറ്റ് ആഹാരത്തിൽ ഉൾപ്പെടുത്തി കഴിക്കുകയും ചെയ്യാം.

മികച്ച ഭക്ഷണ രീതി പിന്തുടരുന്നതും ആരോഗ്യകരമായ ജീവിതശൈലി സ്വീകരിക്കുന്നതും വഴി ശരീരത്തിലെ രക്തയോട്ടം മെച്ചപ്പെടുത്തി ഓക്സിജന്റെ അളവ് നിലനിർത്താൻ സാധിക്കും.