കുഞ്ഞുങ്ങളിലെ വിക്കിനെ എങ്ങനെ തിരിച്ചറിയാം? How to recognize a stammering in a child?
- Alfa MediCare
- Feb 23, 2022
- 2 min read
Updated: Oct 4, 2024
സു സുധി വാത്മീകം എന്ന സിനിമ കണ്ടവരാരും അതിലെ ജയസൂര്യയുടെ കഥാപാത്രത്തെ അത്രയധികം മറക്കാന് സാധ്യതയില്ല. താന് പറയാന് വന്നതിനെ കേള്വിക്കാരിലേക്ക് എത്തിക്കുന്നതിന് വേണ്ടി കഷ്ടപ്പെടുന്ന സുധി എന്ന കഥാപാത്രം. ഈ അവസ്ഥ നേരിടുന്ന പലരും നമുക്ക് ചുറ്റും ഉണ്ട്. എന്നാല് ഇത് പലപ്പോഴും നമ്മള് കാണുന്നില്ല എന്നുള്ളതാണ് സത്യം. ഇത് കുഞ്ഞിലേ പലരും അനുഭവിച്ചിട്ടുള്ളതാണ്. ഇതിന് വേണ്ടത്ര പ്രാധാന്യം നല്കാത്തതാണ് പലപ്പോഴും മുതിര്ന്ന് വരുമ്പോള് ഗുരുതരമായി മാറുന്നത്. സ്ത്രീകളേക്കാള് പുരുഷന്മാരിലാണ് വിക്കുണ്ടാവുന്നതിനുള്ള സാധ്യത കൂടുതൽ.
കുഞ്ഞുങ്ങളില് മാനസിക വൈകല്യവും സംസാര വൈകല്യവും എല്ലാം ഇത് മൂലം ഉണ്ടാവുന്നുണ്ട്. ഇത് തിരിച്ചറിഞ്ഞ് അതിന് വേണ്ടി പരിഹാരവും ചികിത്സയും ചെയ്യുന്നതിനാണ് ശ്രദ്ധിക്കേണ്ടത്. ഇത്തരം അവസ്ഥയെ പ്രതിരോധിക്കുന്നതിന് വേണ്ടി നമുക്ക് കുഞ്ഞില് എന്തെങ്കിലും തരത്തിലുള്ള ലക്ഷണങ്ങള് കണ്ടാല് ഉടനേ തന്നെ ഡോക്ടറെ കാണിക്കണം. ശ്രദ്ധയോടെ കൈകാര്യം ചെയ്യുകയും പൂര്ണമായും കുഞ്ഞിന് മാനസിക ശാരീരിക പിന്തുണ നല്കുകയും ചെയ്താൽ കുഞ്ഞിന്റെ വിക്കിന് നമുക്ക് പരിഹാരം കാണാവുന്നതാണ്. കുട്ടികളിൽ വിക്ക് ഉണ്ടാവുന്നതിന് പിന്നിലെ കാരണങ്ങളും പരിഹാരങ്ങളും ലക്ഷണങ്ങളും എന്തൊക്കെയാണെന്ന് നോക്കാവുന്നതാണ്.
സംസാരിക്കാന് പഠിക്കുന്നതിന്റെ ഒരു സാധാരണ ഭാഗമെന്ന നിലയില് കൊച്ചുകുട്ടികള്ക്കിടയില് പലപ്പോഴും സംസാരിക്കുന്നതിന്റെ ഫ്ളോ ഇല്ലാതാവുന്നുണ്ട്. ചെറിയ കുട്ടികള്ക്ക് അവരുടെ സംസാരവും ഭാഷാ കഴിവുകളും വികസിപ്പിക്കാന് കഴിയാതെ വരുമ്പോള് അവര് ഇടറിപ്പോയേക്കാം. എന്നാൽ പ്രായമാകുന്തോറും മിക്ക കുട്ടികളും ഇതിനെ മറികടക്കാറുണ്ട്. എന്നിരുന്നാലും, ചിലപ്പോള് ചിലരിൽ ഇത് പ്രായപൂര്ത്തിയായാലും വിട്ടുമാറാത്ത അവസ്ഥ ഉണ്ടാകാറുണ്ട്. ഇതിനെയാണ് നമ്മള് വിക്ക് എന്ന് പറയുന്നത്. ഇത്തരത്തിലുള്ള സംസാര വൈകല്യം പലപ്പോഴും ആത്മാഭിമാനത്തെയും മറ്റ് ആളുകളുമായുള്ള ഇടപെടലുകളെയും സ്വാധീനിക്കും.
ഒരു വാക്ക് അല്ലെങ്കില് വാക്യം ആരംഭിക്കുന്നതിനുള്ള ബുദ്ധിമുട്ട്, ഒരു വാക്കിനുള്ളില് ഒരു ശബ്ദം നീട്ടുന്നു, അക്ഷരം അല്ലെങ്കില് പദത്തിന്റെ ആവര്ത്തനം, ചില അക്ഷരങ്ങള് അല്ലെങ്കില് വാക്കുകള്ക്കായി ഹ്രസ്വ നിശബ്ദത, അല്ലെങ്കില് ഒരു വാക്കിനുള്ളില് താല്ക്കാലികമായി നിര്ത്തുന്നു, അടുത്ത പദത്തിലേക്ക് പോകാന് ബുദ്ധിമുട്ടുണ്ടെങ്കില് 'ഉം' പോലുള്ള അധിക പദങ്ങള് ചേര്ക്കുന്നത്, ഒരു വാക്ക് പറയുമ്പോള് ഉണ്ടാവുന്ന അമിതമായ പിരിമുറുക്കം, ഇറുകിയ അല്ലെങ്കില് മുഖത്തിന്റെയോ മുകളിലെ ശരീരത്തിന്റെയോ ചലനം, സംസാരിക്കുന്നതിനെക്കുറിച്ചുള്ള ഉത്കണ്ഠ, ഫലപ്രദമായി ആശയവിനിമയം നടത്താനുള്ള പരിമിതമായ കഴിവ്, ചില സംഭാഷണ ബുദ്ധിമുട്ടുകള് എന്നിവയാണ് പ്രധാനമായും വിക്കിന്റെ ലക്ഷണങ്ങള്. ഇവ കൂടാതെ ഇടക്കിടക്ക് കണ്ണ് മിന്നുന്നു, ചുണ്ടുകളുടെ അല്ലെങ്കില് താടിയെല്ലിന്റെ ചലനം, മുഖത്തെ സങ്കോചങ്ങള്, ഇടക്കിടക്ക് തല കുലുക്കുന്നത്, മുഷ്ടി ചുരുട്ടുന്നത്, വ്യക്തി ആവേശഭരിതനാകുമ്പോഴോ, ക്ഷീണിതനായിരിക്കുമ്പോഴോ, സമ്മര്ദ്ദത്തിലായിരിക്കുമ്പോഴോ തിടുക്കത്തില് സംസാരിക്കുന്നതിനുള്ള കഴിവ് മോശമാകുക തുടങ്ങിയവയും വിക്കിന്റെ ലക്ഷണങ്ങളിൽ ഉൾപ്പെടുന്നു.
ഇതിന് പരിഹാരമെന്നോണം ഒരു ഡോക്ടറെയോ സ്പീച്ച്-ലാംഗ്വേജ് പാത്തോളജിസ്റ്റിനെയോ എപ്പോള് കാണണം എന്നുള്ളത് പലര്ക്കും അറിയില്ല. 2 നും 5 നും ഇടയില് പ്രായമുള്ള കുട്ടികളില് ഇത്തരം അവസ്ഥ കാണപ്പെടുന്നത് സാധാരണമാണ്. മിക്ക കുട്ടികള്ക്കും, ഇത് സംസാരിക്കാന് പഠിക്കുന്നതിന്റെ ഭാഗമായി കണക്കാക്കിയാല് മതി. പിന്നീട് ഇത് സ്വന്തമായി മെച്ചപ്പെടുകയും ചെയ്യുന്നു. എന്നിരുന്നാലും, കൃത്യമായ സംസാരത്തിന് പലപ്പോഴും ചികിത്സ ആവശ്യമായി വന്നേക്കാം.
കുഞ്ഞിന് വളര്ച്ച ഇല്ലാതിരിക്കുന്ന അവസ്ഥ. വിക്കുള്ള കുടുംബത്തിലെ അംഗം, സമ്മര്ദ്ദം, കുടുംബത്തിലെ സമ്മര്ദ്ദം, ഉയര്ന്ന രക്ഷാകര്തൃ പ്രതീക്ഷകള് അല്ലെങ്കില് മറ്റ് തരത്തിലുള്ള സമ്മര്ദ്ദം എന്നിവ നിലവിലുള്ള ഇത്തരം പ്രശ്നങ്ങള് കൂടുതല് വഷളാക്കും. അതുകൊണ്ട് ഇത്തരം കാര്യങ്ങള് വളരെയധികം ശ്രദ്ധിക്കണം.
മറ്റുള്ളവരുമായി ആശയവിനിമയം നടത്തുന്നതില് പ്രശ്നങ്ങള് ഉണ്ടാവുന്നതാണ് ആദ്യത്തെ പ്രതിസന്ധി. ഇത് കൂടാതെ സംസാരിക്കുന്നതില് ആകാംക്ഷയും ഉണ്ടാകും, എന്നാൽ സംസാരിക്കേണ്ട സാഹചര്യങ്ങള് വരുമ്പോള് സംസാരിക്കുകയോ ഒഴിവാക്കുകയോ ചെയ്യരുത് എന്നുള്ളതാണ് ഇതില് ശ്രദ്ധിക്കേണ്ട കാര്യം. മറ്റുള്ളവരുടെ ഭീഷണിപ്പെടുത്തലും കളിയാക്കലും എല്ലാം ഇത്തരം പ്രശ്നങ്ങള് വര്ദ്ധിപ്പിക്കുന്ന ഒന്നാണ്. അതുകൊണ്ട് തന്നെ വളരെയധികം ശ്രദ്ധിക്കണം. ഇത്തരം അവസ്ഥയില് ശ്രദ്ധയോടെയും ക്ഷമയോടെയും നിന്നാൽ ഈ പ്രശ്നത്തെ മറികടക്കാന് സാധിക്കും.
കുട്ടികള് സംസാരിക്കുന്നതില് വേഗത കൂടുതലുണ്ടെങ്കില് വളരെയധികം ശ്രദ്ധിക്കണം. ഇത് കൂടാതെ പേടിയോടെയാണ് കുട്ടികള് സംസാരിക്കുന്നതെങ്കിലും ശ്രദ്ധിക്കേണ്ടതാണ്. ഗര്ഭകാലത്തുണ്ടാവുന്ന നടുക്കം കൊണ്ടല്ല വിക്ക് സംഭവിക്കുന്നത് എന്ന് ആദ്യം മനസ്സിലാക്കേണ്ടതാണ്. വാക്സിനേഷന് കൊണ്ട് കുട്ടികള്ക്ക് വിക്ക് വരും എന്നൊരു ധാരണയും ഉണ്ട്. എന്നാല് ഇത് വളരെ തെറ്റായ ഒന്നാണ്.
അധ്യാപകരും മാതാപിതാക്കളും ആദ്യം ഇതിനെക്കുറിച്ച് കൃത്യമായി മനസ്സിലാക്കാന് ശ്രദ്ധിക്കണം. തെറ്റായ ചികിത്സ എടുക്കുന്നതിന് ഒരിക്കലും ശ്രദ്ധിക്കരുത്. പേടിപ്പിക്കുകയോ നിര്ബന്ധിപ്പിച്ച് സംസാരിപ്പിക്കുകയോ ചെയ്യരുത്. അത് കൂടുതല് അപകടത്തിലേക്ക് എത്തിക്കും. സംസാരിക്കുമ്പോള് ചിരിക്കാതിരിക്കണം. ഇവരില് ആത്മവിശ്വാസം വര്ദ്ധിപ്പിക്കുന്നതിന് എപ്പോഴും ശ്രദ്ധിക്കുകയും വേണം. ഇത് കൂടാതെ ചികിത്സയും പിന്തുണയും കൃത്യസമയത്ത് നല്കണം എന്നുള്ളത് തന്നെയാണ് ശ്രദ്ധിക്കേണ്ട കാര്യം.
കുഞ്ഞില് എന്തെങ്കിലും തരത്തിലുള്ള ലക്ഷണങ്ങള് കണ്ടാല് ഉടനേ തന്നെ ഡോക്ടറെ കാണിക്കണം. ശ്രദ്ധയോടെ കൈകാര്യം ചെയ്യുകയും, പൂര്ണമായും കുഞ്ഞിന് മാനസിക ശാരീരിക പിന്തുണ നല്കുകയും ചെയ്താൽ കുഞ്ഞിന്റെ വിക്കിന് നമുക്ക് പരിഹാരം കാണാവുന്നതാണ്.
Comments