കുട്ടികളിലെ മലബന്ധം: പ്രശ്ന പരിഹാരത്തെക്കുറിച്ചറിയാം

മലബന്ധം, അത് കുട്ടികളിലായാലും മുതിർന്നവരിലായാലും വളരെയധികം പ്രയാസമുണ്ടാക്കുന്ന ഒരു ആരോഗ്യ പ്രശ്നമാണ്. എന്നാൽപ്പോലും കുട്ടികൾ അതിനോട് മല്ലിടുന്നത് കാണുന്ന അവസ്ഥ ഉണ്ടാകുന്നത് കൂടുതൽ ദുഃഖകരമാണ്. കുട്ടികളിലെ മലബന്ധം ഏകദേശം 30-35 ശതമാനം കുട്ടികളെ ബാധിക്കുന്ന ഒരു പ്രശ്നമാണ്. തീരെ ചെറിയ കുട്ടികൾ‌, പ്രീ-സ്ക്കൂൾ‌ പ്രായമുള്ള കുട്ടികൾ‌ എന്നിവരാണ് ഏറ്റവും കൂടുതൽ ഈ പ്രശ്‌നം നേരിടുന്നത്. ഇത് അധികം ശാരീരിക പ്രവർത്തനം ഇല്ലാതിരിക്കുക, ഭക്ഷണത്തിന്റെ പ്രശ്നങ്ങൾ, ബാത്ത്‌റൂം ഉപയോഗിക്കാൻ‌ മറക്കുക തുടങ്ങിയ വിവിധ ഘടകങ്ങളുമായി ബന്ധപ്പെട്ടിരിക്കുന്നു.

മലബന്ധം പല തരത്തിൽ ബാധിക്കുന്ന പ്രശ്നങ്ങളുടെ ഒരു ശ്രേണിയാകാം. ഇത് കൃത്യമല്ലാത്ത മലവിസർജ്ജനം, കട്ടിയേറിയ മലം, വേദനാജനകമായ വലിയ ഭക്ഷണാവശിഷ്ടങ്ങൾ കടന്നുപോകൽ, വയറിൽ കെട്ടികിടക്കുന്നത് കാരണം ആകസ്മികമായി മലം കടന്നുപോകുന്നത് വരെ പല രീതിയിൽ വ്യത്യാസപ്പെടാം.

ലക്ഷണങ്ങൾ

1.ആഴ്ചയിൽ രണ്ടോ അതിൽ കുറവോ തവണ മാത്രം മലവിസർജ്ജനം

2.കട്ടിയേറിയ മലം ( അല്ലെങ്കിൽ ഉറച്ച മലം)

3.വേദനയേറിയ മലവിസർജ്ജനം

4.മലവിസർജ്ജനം നടത്തുമ്പോൾ അല്ലെങ്കിൽ തുടയ്ക്കുമ്പോൾ രക്തം കാണുക (മലാശയത്തിലെ ചെറിയ വിള്ളൽ, അല്ലെങ്കിൽ മലദ്വാരത്തിലെ ചെറിയ പൊട്ടൽ മൂലം)

5.ഉറച്ചതോ അല്ലെങ്കിൽ വേദനയുള്ള ആയിട്ടുള്ള അടിവയർ

6.ടോയ്‌ലറ്റ് ഉപയോഗിക്കുന്നതിനുള്ള ഭയം (വേദനാജനകമായ മലവിസർജ്ജനത്തിനൊപ്പം)

പരിഹാരം

കുട്ടിക്ക് മലബന്ധമുണ്ടെങ്കിൽ, പെട്ടെന്ന് ആശ്വാസം ലഭിക്കാൻ സഹായിക്കുന്നതിന് വീട്ടിൽ ഇരുന്ന് തന്നെ ചെയ്യാവുന്ന സുരക്ഷിതവും എളുപ്പവുമായ പരിഹാര മാർഗ്ഗങ്ങൾ ഇതാ.

1.ജ്യൂസ് (സബർജില്ലി, വെളുത്ത മുന്തിരി, ഉണക്കിയപ്ലം): ജ്യൂസിനുള്ള ശുപാർശിത അളവ് പ്രതിദിനം 4 ഔൺസോ അതിൽ കുറവോ ആണ്. സോർബിറ്റോൾ എന്ന പഞ്ചസാരയുടെ സാന്നിധ്യം കാരണം ഈ ജ്യൂസ് മലവിസർജ്ജനത്തെ പ്രോത്സാഹിപ്പിക്കുന്നു. അത് നന്നായി ദഹനം ചെയ്യപ്പെടുന്നില്ല എന്നതിനാൽ ഇത് മലത്തിൽ തുടരുന്നു. ഇത് മലത്തിലെ ദ്രാവകം വർദ്ധിപ്പിക്കുകയും മൃദുവാക്കുകയും പുറത്തേക്ക് കടന്നുപോകാൻ എളുപ്പമാക്കുകയും ചെയ്യുന്നു.

2.വയറിന്റെ മസാജ്: ശിശുക്കൾക്കും ചെറിയ കുട്ടികൾക്കും, അടിവയറ്റിൽ മസാജ് ചെയ്യുന്നതും കാലുകൾ സൈക്കിൾ ചവിട്ടുന്നത് പോലെ കറക്കുന്നതും മലവിസർജ്ജനം എളുപ്പമാക്കാൻ സഹായിക്കുന്ന മികച്ച നടപടികളാണ്. വിരൽ ഉപയോഗിച്ച് കുഞ്ഞിന്റെ മലദ്വാരം മസാജ് ചെയ്യാം, അല്ലെങ്കിൽ മലവിസർജ്ജനം ഉത്തേജിപ്പിക്കാൻ സഹായിക്കുന്നതിന് പരുത്തി തുണി സൗമ്യമായി കടത്തുക. ഈ നടപടികൾ സുരക്ഷിതമാണെന്ന് മാത്രമല്ല, ശിശുവിനോ രക്ഷകർത്താവിനോ വളരെ ആഘാതകരവുമല്ല.

3.വെള്ളത്തിന്റെ കുടിക്കുന്നത് വർധിപ്പിക്കുക (1 വയസ്സിനു മുകളിലുള്ള കുട്ടികൾക്ക്): ധാരാളം വെള്ളം കുടിക്കുന്നത് ശരീരത്തിലെ ജലാംശം നിലനിർത്തുക മാത്രമല്ല, ഇത് മലം കടന്നുപോകുന്നത് എളുപ്പമാക്കുന്നു. ആവശ്യത്തിന് വെള്ളം ലഭിക്കുന്നത് മലബന്ധം തടയാനും മലവിസർജ്ജനം പ്രോത്സാഹിപ്പിക്കാനും സഹായിക്കുന്നു.

4.നാരുകളുടെ ഉപഭോഗം വർദ്ധിപ്പിക്കുക: സംസ്കരിച്ച ഭക്ഷണങ്ങൾ, കൊഴുപ്പ് കൂടിയ ഭക്ഷണങ്ങൾ, അനാരോഗ്യകരമായ ഭക്ഷണരീതി എന്നിവ മലബന്ധം ഉൾപ്പെടെയുള്ള പല ആരോഗ്യ പ്രശ്‌നങ്ങൾക്കും കാരണമാകുമെന്ന് നമുക്കെല്ലാവർക്കും അറിയാം. അതിനാൽ, ധാരാളം വെള്ളം കുടിക്കുന്നതിനൊപ്പം നാരുകൾ അഥവാ ഫൈബർ അടങ്ങിയ ഒരു ഭക്ഷണക്രമം പിന്തുടരുന്നതിനായി, ഓരോ ദിവസവും ധാരാളം പഴങ്ങളും പച്ചക്കറികളും കൊടുക്കുക.

ഓരോ പ്രതിവിധിക്കും പ്രത്യേക സമയപരിധിയൊന്നുമില്ല, മാത്രമല്ല കുട്ടി ഓരോ രീതികളോടും വ്യക്തിപരമായി എങ്ങനെ പ്രതികരിക്കും എന്നതിനെ ആശ്രയിച്ചിരിക്കും ഇത്. ഉദാഹരണത്തിന്, ജ്യൂസ് പലപ്പോഴും കുറച്ച് മണിക്കൂറിനുള്ളിൽ മലവിസർജ്ജനം നടത്തുവാൻ സഹായിക്കും, പക്ഷേ ഇത് കുട്ടി കുടിക്കുവാനും മറ്റും കൂടുതൽ സമയമെടുക്കും.

മലബന്ധത്തിന് കുട്ടികൾക്ക് എന്ത് നൽകണം?

മലബന്ധ പ്രശ്നം ഒഴിവാക്കുവാൻ സഹായിക്കുന്നതിന് കുട്ടികൾക്ക് പ്രത്യേക പരിഹാരങ്ങളോ മരുന്നുകളോ നൽകേണ്ടിവരുമ്പോൾ, ആദ്യം കുട്ടിയുടെ ഡോക്ടറോട് അതേ കുറിച്ച് സംസാരിക്കുകയാണ് ചെയ്യേണ്ടത്.

1.പ്രോബയോട്ടിക്സ്: ശിശുക്കളായ രോഗികൾക്ക് പ്രോബയോട്ടിക്സ് പലപ്പോഴും ഉപയോഗിക്കുന്നു, പ്രത്യേകിച്ച് ആൻറിബയോട്ടിക്കുകൾ ഉപയോഗിക്കുമ്പോൾ. ആൻറിബയോട്ടിക്കുകൾ എല്ലാ തന്നെ ബാക്ടീരിയകളോടും പോരാടുന്നതിനാൽ, അവയോടൊപ്പം പ്രോബയോട്ടിക്സ് കഴിക്കുന്നത് നല്ല ബാക്ടീരിയകളെ ആമാശയത്തിൽ നിലനിർത്താൻ സഹായിക്കുന്നു. ഈ നല്ല ബാക്ടീരിയകൾ മലവിസർജ്ജനം പ്രോത്സാഹിപ്പിക്കുന്നതിനും സഹായിക്കുന്നു. പക്ഷേ, മലബന്ധം ചികിത്സിക്കാൻ പ്രോബയോട്ടിക് ഉപയോഗത്തെ പിന്തുണയ്ക്കുന്ന തരത്തിലുള്ള ഗവേഷണങ്ങൾ വളരെ പരിമിതമായിട്ടെ നടന്നിട്ടുള്ളൂ. മാത്രമല്ല, ഇത് പതിവായി ചെയ്യുന്ന ഒരു ചികിത്സയായി ഉപയോഗിക്കുന്നുമില്ല.

2.സപ്പോസിറ്ററികളും എനിമയും : മലവിസർജ്ജനം പ്രോത്സാഹിപ്പിക്കുന്നതിന് മലാശയ പേശികളെ ഉത്തേജിപ്പിക്കാൻ സപ്പോസിറ്ററികൾ സഹായിക്കുന്നു, പക്ഷേ ഇത് കടത്തുമ്പോൾ കുട്ടിക്ക് അസ്വസ്ഥതയുണ്ടാക്കാം, ശരിയായി ചെയ്തില്ലെങ്കിൽ, മലാശയത്തിന് പ്രശ്നമുണ്ടാകാനും കുട്ടിക്ക് ഭയം തട്ടാനും കാരണമാകാം. മലം നേരിട്ട് മയപ്പെടുത്താൻ എനിമയും സഹായിക്കുന്നു, പക്ഷേ അവയും അസ്വസ്ഥതയുണ്ടാക്കുകയും ശരിയായി ചെയ്യേണ്ടതുമാണ്.

മരുന്നുകൾ എന്ത് തന്നെയായാലും കുഞ്ഞിന് നൽകുന്നതിന് മുമ്പ് ശിശു രോഗ വിദഗ്ധന്റെ നിർദ്ദേശം തേടുക.