​സർജിക്കൽ മാസ്ക് ഒന്നിൽ കൂടുതൽ തവണ ഉപയോഗിക്കാമോ?

കോവിഡിൻ്റെ വരവോട് കൂടി ആവശ്യ വസ്തുക്കളിൽ ഏറ്റവും പ്രധാനപ്പെട്ടതായി മാറിയിരിക്കുന്നത് ഫെയ്‌സ് മാസ്കുകൾ തന്നെയാണ്. കൊറോണവൈറസ് വ്യാപനം നിയന്ത്രിച്ചു നിർത്താനാവാതെ തുടരുന്ന ഈ സാഹചര്യത്തിൽ ആളുകൾ കൂടുന്നിടത്തൊക്കെ മാസ്‌ക്കുകൾ നിർബന്ധിതവും അത്യന്താപേക്ഷിതവുമായി മാറിയിരിക്കുന്നു. രോഗവ്യാപനം നമുക്കിടയിലേക്ക് വന്നതുമുതൽ മാസ്ക്കുകളുടെ ഉപയോഗം, മാസ്ക്കുകൾ നീക്കം ചെയ്യൽ തുടങ്ങിയ കാര്യങ്ങളെ സംബന്ധിച്ച് ധാരാളം ആശയക്കുഴപ്പങ്ങൾ നിലനിൽക്കുന്നു. ഏത് തരം മാസ്ക് വൈറസിനെതിരെ പരമാവധി പരിരക്ഷ നൽകുമെന്നതിനെക്കുറിച്ച് ചർച്ചകൾ അങ്ങുമിങ്ങും നടക്കുന്നുണ്ടെങ്കിലും ആളുകൾ ഇപ്പോഴും ആശയക്കുഴപ്പത്തിലാണ്.

മാസ്കുകളുടെ പുരനരുപയോഗം

കൂടുതൽ ആളുകളും ധരിക്കുന്ന മാസ്കുകൾ വീണ്ടും കഴുകി വൃത്തിയാക്കിയ ശേഷം പുനരുപയോഗിക്കാൻ സജ്ജമായതാണ്. ധരിക്കാൻ ഏറ്റവും സുഖപ്രദമായ മാസ്കുകളിലൊന്നായ സർജിക്കൽ മാസ്കുകൾ ആരോഗ്യ അധികാരികൾ ഒറ്റത്തവണയുള്ള ഉപയോഗത്തിനായി നിർദ്ദേശിക്കുന്നുണ്ടെങ്കിലും ചില പാരിസ്ഥിതിക ആശങ്കകൾ ശാസ്ത്രജ്ഞരെ ഈയൊരു കാര്യത്തെ വീണ്ടും ചോദ്യം ചെയ്യാൻ പ്രേരിപ്പിക്കുന്നു.

വീണ്ടും ഉപയോഗിക്കാൻ കഴിയുന്ന തുണി മാസ്കുകളാണ് കൂടുതൽ പേരും ഇന്ന് ഉപയോഗിക്കുന്നത്. ഭാരം കുറഞ്ഞതും വ്യക്തിഗതമായി ചിലവു കുറഞ്ഞതുമായതിനാൽ തന്നെ പലരും സർജിക്കൽ മാസ്കുകളും ഉപയോഗിക്കാൻ ഇഷ്ടപ്പെടുന്നു. ഇത്തരം മെഡിക്കൽ മാസ്കുകൾ ഒരു തവണ ഉപയോഗിക്കാൻ വേണ്ടി മാത്രമുള്ളതാണ് എന്ന വസ്തുത ലോകാരോഗ്യ സംഘടന നേരെത്ത തന്നെ വെളിപ്പെടുത്തിയിട്ടുണ്ട്. എന്നാൽ കോവിഡ് -19 വ്യാപനത്തിൻ്റെ ആദ്യനാളുകളായ മാർച്ച്, ഏപ്രിൽ മാസങ്ങളിൽ ഇത്തരം സർജിക്കൽ മാസ്ക്കുകൾക്ക് ക്ഷാമം നേരിട്ടിരുന്ന സമയത്ത് ലോകാരോഗ്യ സംഘടന അസാധാരണമായ ചില നടപടിക്രമങ്ങൾ സ്വീകരിച്ചുകൊണ്ട് ഇത്തരം സർജിക്കൽ മാസ്ക്കുകളെ അണുവിമുക്തമാക്കിക്കൊണ്ട് പുനരുപയോഗിക്കാൻ അനുവാദം നൽകി.

സർജിക്കൽ മാസ്ക് എങ്ങനെ അണുവിമുക്തമാക്കാം?

ആരോഗ്യ പ്രവർത്തകർ ധരിക്കുന്ന N95 മാസ്കുകളെ അണുവിമുക്തമാക്കാനായി ഹൈഡ്രജൻ പെറോക്സൈഡ് നീരാവി ഉപയോഗിക്കണമെന്നാണ് അമേരിക്കൻ ഫുഡ് ആൻഡ് ഡ്രഗ് അഡ്മിനിസ്ട്രേഷൻ ശുപാർശ ചെയ്യുന്നത്. ഒരു തവണ ഉപയോഗിച്ച മാസ്കുകളെ അണുവിമുക്തമാക്കി ശുദ്ധീകരിച്ചെടുക്കുന്നതിനായി ഉയർന്ന താപനിലയിൽ ചൂടാക്കുകയോ അൾട്രാവയലറ്റ് വികിരണങ്ങളിലേക്ക് ഉപയോഗപ്പെടുത്തുകയോ ചെയ്യാമെന്നും വിദഗ്ധർ അഭിപ്രായപ്പെടുന്നു. എന്നാൽ ഇപ്പറഞ്ഞ രീതികളെല്ലാം തന്നെ സാധാരണ ആളുകൾക്ക് അത്രയെളുപ്പത്തിൽ ചെയ്യാൻ കഴിയുന്ന കാര്യങ്ങളല്ല. അതിനാൽ തന്നെ മാസ്കുകളെ അണുവിമുക്തമാക്കാനായി വീട്ടിൽ തന്നെ എന്തുചെയ്യാൻ കഴിയുമെന്ന് നോക്കാം.

ചില ശാസ്ത്രജ്ഞർ മാസ്ക്കുകളെ അണുവിമുക്തമാക്കാനായി ഏഴ് ദിവസത്തെ രീതി ശുപാർശചെയ്യുന്നു. ഉപയോഗിച്ച മാസ്ക് ഒരു പേപ്പർ എൻ‌വലപ്പിൽ അടച്ചുവെച്ച് വ്യക്തമായി തീയതി അടയാളപ്പെടുത്തി ഏഴു ദിവസം സൂക്ഷിക്കാൻ നിർദ്ധേശിക്കുന്നു. കോവിഡ് -19 രോഗത്തെക്കുറിച്ചു നടന്നിട്ടുള്ള നിരവധി ശാസ്ത്രീയ പഠനങ്ങളിൽ നിന്നും വ്യക്തമാക്കുന്ന കാര്യം ഒരു മാസ്കിൽ കയറിക്കൂടിയ വൈറസുകൾ ഏഴ് ദിവസങ്ങൾക്കുള്ളിൽ നിർജീവമാക്കപ്പെടുന്നു എന്നതാണ്.

അണുവിമുക്തമാക്കാൻ

ദി ലാൻസെറ്റിൽ പ്രസിദ്ധീകരിച്ച ഒരു പഠനത്തിൽ പറയുന്നത് മാസ്കിൽ കയറിക്കൂടിയ വൈറസിന്റെ 100 % ത്തിൽ വെറും 0.1% മാത്രമേ ഒരാഴ്ചയ്ക്കു ശേഷം ജീവനോടെ ഉണ്ടാകാൻ സാധ്യതയുള്ളൂ എന്നാണ്. N95 മാസ്ക്കുകളുടെ ഫിൽട്ടർ മെറ്റീരിയലിന്റെ ഉപജ്ഞാതാവായ പീറ്റർ സായ് ഇപ്പറഞ്ഞ ഏഴു ദിവസത്തെ അണുവിമുക്ത രീതിയോട് യോജിക്കുന്നു. ഈയൊരു രീതിയിൽ അഞ്ച് മുതൽ 10 തവണ വരെ മാസ്ക്കുകൾ ആവർത്തിച്ച് ഉപയോഗിക്കാമെന്ന് അദ്ദേഹം പറയുന്നു. എന്നിരുന്നാൽ രോഗവ്യാപന സാധ്യത ഏറ്റവും ഉയർന്ന സാഹചര്യത്തിലുള്ള ആളുകളായ ആരോഗ്യ സംരക്ഷണ തൊഴിലാളികൾക്ക് ഈ രീതി അത്രത്തോളം അനുയോജ്യമല്ല എന്നും കണക്കാക്കിയിരിക്കുന്നു.

70 മുതൽ 75 ഡിഗ്രി സെൽഷ്യസ് വരെ ഫാരൻഹീറ്റ് താപനിലയിൽ അതായത് ഓവനിൽ 158 മുതൽ 167 ഡിഗ്രി വരെ ചൂടാക്കിയാൽ ഡിസ്പോസിബിൾ മാസ്കുകളെ അണുവിമുക്തമാക്കാൻ പറ്റും. മാസ്ക്കുകളിലെ പ്ലാസ്റ്റിക്ക് കോട്ടിങ്ങ് കത്തിപോകുന്നില്ലെന്ന് ഉറപ്പാക്കുന്നതിനോടൊപ്പം വൈറസിനെ എളുപ്പത്തിൽ കൊല്ലാൻ സഹായിക്കുന്ന ഏറ്റവും മികച്ച താപനിലയാണിത്. യഥാർത്ഥത്തിൽ ഒരു വാഷിംഗ് മെഷീനിലിട്ട് മാസ്കുകൾ കഴുകി എടുക്കുന്നതിനേക്കാൾ ഫലപ്രാപ്തി നൽകുന്ന ഒരു കാര്യം കൂടിയാണിത്.

മാസ്ക് കഴുകുമ്പോൾ

ഡിറ്റർജന്റ് ഉപയോഗിക്കാതെ മാസ്ക് കഴുകുന്നത് വൈറസിനെ നിർവീര്യമാക്കുന്നില്ല. ഡിറ്റർജൻ്റുകൾക്ക് പകരമായി സോപ്പ് ഉപയോഗിച്ച് കഴുകുന്നത് മാസ്കുകളുടെ കാര്യക്ഷമത കുറയ്ക്കാൻ സാധ്യതയുണ്ടെന്ന് വിദഗ്ധർ അഭിപ്രായപ്പെടുന്നു. സർജിക്കൽ മാസ്കുകൾ വാഷിങ്ങ് മെഷീനിൽ കഴുകി ഡ്രയറിൽ ഉണക്കി അയൺ ചെയ്തെടുത്താൽ മൈക്രോൺ ബാക്ക്ടീരിയ കണങ്ങളുടെ 90% ഫിൽട്ടർ ചെയ്യാൻ സാധിക്കുന്നു. കഴുകി ഉപയോഗിക്കാൻ കഴിയുന്ന ഇത്തരം സർജിക്കൽ മാസ്കുകൾ തുണി മാസ്കുകളേക്കാൾ കാര്യക്ഷമമായി പ്രവർത്തിക്കുമെന്ന് ഫ്രഞ്ച് എഞ്ചിനീയറിംഗ് സർവ്വകലാശാലയിൽ നിന്നുള്ള ഗവേഷകർ നിഗമനം ചെയ്യുന്നു. തുടർച്ചയായി ധരിക്കുന്നതിനു പകരം ഓരോ നാല് മണിക്കൂറിലും ഈ മാസ്കുകൾ മാറ്റി കഴുകി ഉപയോഗിക്കാനും ശുപാർശ ചെയ്യുന്നു.

മാസ്ക് എത്ര കാലം വരെ നമ്മളിൽ ഒരു ആവശ്യവസ്തുവായി ഉണ്ടാകുമെന്നറിയില്ല. എന്നിരുന്നാലും, ഉണ്ടാകുന്ന കാലത്തോളം കോവിഡിനെതിരെ പോരാടാൻ മാസ്കിൻ്റെ സുരക്ഷ ഉറപ്പാക്കേണ്ടത് അത്യാവശ്യമാണ്.

➖➖➖➖➖➖➖

ആൽഫ ലബോറട്ടറയിൽ എല്ലാ ലാബ്ടെസ്റ്റുകൾക്കും 100% കൃത്യത.

ലാബ് ടെസ്റ്റുകളുടെ ബ്ലഡ് കളക്ഷൻ വീട്ടിൽ എത്തി ചെയ്യുന്നു.

➖➖➖➖➖➖➖

എല്ലാ ഹോസ്പിറ്റലിലെയും ഏതു ഡോക്ടർ എഴുതിയ മരുന്നുകളും വീട്ടിൽ എത്തിച്ചു തരുന്നു ആൽഫ ഫാർമസി

➖➖➖➖➖➖➖

കൂടുതൽ അന്യേഷണങ്ങൾക്കും ബുക്കിംഗിനും whats Appലൂടെ മെസേജ് അയക്കാൻ ഇവിടെ ക്ലിക്ക് ചെയ്യൂ ..

ആൽഫ മെഡികെയർ : 9744568762