ഗർഭിണികളിലെ നടുവേദന; എന്തെല്ലാം അറിഞ്ഞിരിക്കണം

സ്ത്രീകൾക്ക് പല തരത്തിലുള്ള ആരോഗ്യ പ്രശ്നങ്ങൾ ഉണ്ടാകാൻ കൂടുതൽ സാധ്യതയുള്ള സമയമാണ് അവരുടെ ഗർഭകാലം. ഇതിൽ ഏറ്റവും ഗൗരവത്തോടെ കാണേണ്ടതാണ് അവരിൽ ഉണ്ടാകുന്ന നടുവേദന. ഗർഭകാലത്ത്, സ്ത്രീകൾക്ക് സാധാരണയായി 10-12 കിലോ വരെ ഭാരം കൂടുന്നു, ഈ ഭാരക്കൂടുതൽ വളരുന്ന കുഞ്ഞിന്റെയും ഗർഭാശയത്തിന്റെയും ഭാരം രക്തക്കുഴലുകളിലും ഇടുപ്പിലും പുറകിലുമുള്ള ഞരമ്പുകളിലും സമ്മർദ്ദം ചെലുത്തുന്നു. ഇത് തന്നെയാണ് ഗർഭകാലത്തെ നടുവേദന ഉണ്ടാകാനുള്ള പ്രധാന കാരണവും. പ്രധാനമായും വേദന അനുഭവപ്പെടുന്നത് നാടുവിനും ഇടുപ്പിനുമാണ്.

വയർ വികസിക്കുന്നതോടെ, അതായത് കുഞ്ഞ് വളരുന്നതോടെ ചിലർക്ക് നടുവേദനയുടെ കാഠിന്യവും കൂടും. വയറിന്റെ ഭാരം താങ്ങാൻ കഴിയാതെ വരുന്നത് ശരീര വേദനയ്ക്കും കാരണമാകും. അത് മാത്രമല്ല, ശരിയായ വിധത്തിലുള്ള നിൽപ്പ്, ഇരിപ്പ്, കിടപ്പ് രീതികൾ ശീലിക്കാതെ വന്നാലും നടുവേദന കൂടാനുള്ള സാധ്യതയുണ്ട്. ഇത് ഒഴിവാക്കാൻ ഗർഭിണികൾ നിൽക്കുമ്പോഴും ഇരിക്കുമ്പോഴുമൊക്കെ നട്ടെല്ല് നേരെ നിവർന്നിരിക്കാൻ പ്രത്യേകം ശ്രദ്ധിക്കണം.

ഗർഭകാലത്തെ നടുവേദനയുടെ കാരണങ്ങൾ

നിങ്ങളുടെ ഇടുപ്പ് നട്ടെല്ലിനെ സാക്രോലിയാക്ക് സന്ധിയിൽ വച്ച് കണ്ടുമുട്ടുന്നിടത്താണ് ഗർഭാവസ്ഥയിലുള്ള നടുവേദന ഉണ്ടാകുന്നത്. എന്നിരുന്നാലും, ഗർഭാവസ്ഥയിൽ സംഭവിക്കുന്ന യാന്ത്രികമായ മാറ്റങ്ങൾക്ക് അനുസൃതമായി നിങ്ങളുടെ നടപ്പ്, ഇരുപ്പ്, കിടപ്പ് രീതികളിൽ മാറ്റങ്ങൾ വരുത്തുമ്പോൾ നട്ടെല്ലിൽ എവിടെയെങ്കിലും വേദന അനുഭവപ്പെടാം. ഗർഭപാത്രം വികസിക്കുമ്പോൾ അകലുന്ന വയറിലെ പേശികൾ ഗർഭകാലത്ത് നടുവേദനയ്ക്ക് കാരണമാകുമെന്ന് പറയപ്പെടുന്നു. വൈകാരിക സമ്മർദ്ദം പുറകിലെ പേശികളുടെ പിരിമുറുക്കത്തിന് കാരണമാകും, ഇത് നടുവേദനയോ കൊച്ചിപ്പിടുത്തമോ ആയി അനുഭവപ്പെടാം.

ശ്രദ്ധിക്കേണ്ടത്

നടുവേദന അകറ്റാൻ ഏറ്റവും ആദ്യം ശ്രദ്ധിക്കേണ്ടത് നട്ടെല്ലിന്റെ പോസ്ചർ ആണ്. നിൽക്കുമ്പോഴും ഇരിക്കുമ്പോഴുമൊക്കെ നട്ടെല്ല് നിവർത്തി വെക്കാൻ ശ്രദ്ധിക്കുക. ഗർഭിണികൾ ഇപ്പോഴും ഇടത് വശം ചേർന്ന് കിടക്കണമെന്ന് ആരോഗ്യ വിദഗ്ധർ പോലും നിർദ്ദേശിക്കുന്നു. നടുവേദനയിൽ നിന്ന് ആശ്വാസം ലഭിക്കാൻ ഇത് ഒരു പരിധി വരെ സഹായിക്കും. മാത്രമല്ല, കുഞ്ഞിന് ധാരാളം ഓക്സിജൻ കിട്ടാനും ഈ രീതി തന്നെയാണ് നല്ലത്. ഇത് കൂടാതെ ഗർഭകാലത്ത് ആവശ്യത്തിന് വിശ്രമവും ആവശ്യമാണ്. ഗർഭകാലത്തും പ്രസവ ശേഷവും ആരോഗ്യത്തോടെയിരിക്കാൻ വിശ്രമം അനിവാര്യമാണ്.

ഗർഭകാലത്തെ നടുവേദന അകറ്റാൻ

നിങ്ങളുടെ ദേഹഭാവം മെച്ചപ്പെടുത്തുക, കൂനിക്കൂടി ഇരിക്കാതിരിക്കുക. ജോലിചെയ്യുമ്പോഴും ഇരിക്കുമ്പോഴും ഉറങ്ങുമ്പോഴും പ്രത്യേകമായി കിടക്കയിലേക്ക് കിടക്കുമ്പോഴും എഴുന്നേൽക്കുമ്പോഴും നല്ല രീതിയിലുള്ള അംഗവിന്യസം സ്വീകരിക്കുക. കാൽമുട്ടുകൾക്കിടയിൽ ഒരു തലയിണ വച്ച്, ഒരു വശം ചേർന്നുകൊണ്ട് ഉറങ്ങുന്നത് നിങ്ങളുടെ നട്ടെല്ലിൽ നിന്ന് ആയാസം ഒഴിവാക്കുന്നു. എല്ലായ്പ്പോഴും ഒരു കസേരയിൽ സുഖപ്രദമായി ഇരിക്കുക, നിങ്ങളുടെ കാലുകൾ പെട്ടിയിലോ സ്റ്റൂളിലോ വച്ച്, തോളുകൾ ചാരി നേരെ ഇരുന്ന് വിശ്രമിക്കുക.

നിങ്ങളുടെ വേദന ഒഴിവാക്കാൻ ചൂടുവെള്ളവും ഐസ് വെള്ളവും കൊണ്ട് ദേഹം തടവുന്നത് പരീക്ഷിക്കുക. ഒരു പിന്തുണയ്ക്ക് നടുവിനുള്ള പ്രത്യേക ബെൽറ്റ് ധരിക്കുന്നതും സഹായിച്ചേക്കാം. അല്ലാത്തപക്ഷം, നിങ്ങൾക്ക് അക്യുപങ്‌ചർ, റിഫ്ലെക്സോളജി, ഗർഭാവസ്ഥയിൽ ഉപയോഗിക്കാൻ സുരക്ഷിതമായ വേദന പരിഹാര തൈലങ്ങൾ പുരട്ടി തടവുക, എന്നീ മാർഗ്ഗങ്ങളും പരീക്ഷിച്ച് നോക്കുവുന്നതാണ്.

വൈകാരിക ഘടകവും സമ്മർദ്ദവും പേശികൾക്ക് ബുദ്ധിമുട്ട് സൃഷ്ടിക്കുന്നവരെ കൗൺസിലിംഗ് അല്ലെങ്കിൽ ഏതെങ്കിലും തരത്തിലുള്ള സമ്മർദ്ദം അകറ്റുവാനുള്ള കാര്യങ്ങൾ ചെയ്യുന്നത് സഹായിക്കും.

ഗർഭകാലത്തെ മറ്റ് പ്രശ്നങ്ങൾ

എന്നിരുന്നാലും, ഓസ്റ്റിയോപൊറോസിസ് അഥവാ അസ്ഥിക്ഷയം, വെർട്ടെബ്രൽ ആർത്രൈറ്റിസ് അഥവാ നട്ടെല്ലിലെ സന്ധിവാതം, സെപ്റ്റിക് ആർത്രൈറ്റിസ് എന്നിവ പോലുള്ള ഗർഭാവസ്ഥയ്ക്ക് മുമ്പുണ്ടായിരുന്നതോ അതിന്റെ സമയത്ത് ഉയർന്നുവരുന്നതോ ആയ മറ്റ് പ്രശ്നങ്ങളുമുണ്ടാകാം. ചിലപ്പോൾ കഠിനമായ വേദനയോട് കൂടിയുള്ള നടുവേദനയും നേരത്തെയുള്ള പ്രസവത്തിന്റെ ലക്ഷണങ്ങളാണ്. അതിനാൽ, കഠിനമായ നടുവേദന, പനിയോ സന്ധിവേദനയോ ഉണ്ടാകുന്നതോടോപ്പം വർദ്ധിച്ചുവരുന്നെങ്കിൽ, ഉടനെ ഒരു ഡോക്ടറെ കണ്ട് കാര്യങ്ങൾ ധരിപ്പിക്കേണ്ടതാണ്