ഇന്റർമിറ്റന്റ് ഫാസ്റ്റിംഗിന് എന്തെങ്കിലും പാർശ്വഫലങ്ങൾ ഉണ്ടോ?

അമിതഭാരം നിയന്ത്രിച്ച് ശരീരഭാരം കുറയ്ക്കാൻ ഇന്ന് മിക്ക ആളുകളും തിരഞ്ഞെടുക്കുന്ന ഒരു രീതിയാണ് ഇന്റർമിറ്റന്റ് ഫാസ്റ്റിങ്. ഇടവിട്ട സമയങ്ങളിൽ ഭക്ഷണം കഴിച്ച് ഉപവസിക്കുന്ന രീതിയാണിത്. അതായത് ഇടവിട്ടുള്ള ഉപവാസത്തിൽ ഒരു നിശ്ചിത നേരത്തേക്ക് ഉപവാസവും ഒരു നിർദ്ദിഷ്ട സമയത്ത് മാത്രം ഭക്ഷണം കഴിക്കുന്നതും ഉൾപ്പെടുന്നു. ഏത് ഭക്ഷണം കഴിക്കാൻ തിരഞ്ഞെടുക്കണം എന്നതിലല്ല, മറിച്ച് എപ്പോൾ കഴിക്കണം എന്നതിലാണ് ഈ രീതി പ്രാധാന്യം നൽകുന്നത്.

ദഹനം മെച്ചപ്പെടുത്തുക, ഭാരം കുറയ്ക്കുക തുടങ്ങിയ ഗുണങ്ങളെല്ലാം ഈ ഫാസ്റ്റിങ് രീതി ഉറപ്പാക്കുന്നുണ്ട്. അതുകൊണ്ട് തന്നെ, എന്തുകൊണ്ടാണ് ഇടയ്ക്കിടെയുള്ള ഉപവാസം ഇത്ര ജനപ്രിയമായത് എന്നതിൽ പ്രത്യേകിച്ച് അതിശയിക്കാനില്ല. എന്നാൽ, ഈ ഇടവിട്ടുള്ള ഉപവാസത്തിന് ചില പാർശ്വഫലങ്ങളും ഉണ്ട്. അവ എന്തൊക്കെയാണെന്ന് നോക്കാം.

1.വിശപ്പ് കൂടുതൽ അനുഭവപ്പെടാം-ഇന്റർമിറ്റന്റ് ഫാസ്റ്റിങിന്റെ ഏറ്റവും സാധാരണമായ പാർശ്വഫലമാണിത്. ഭക്ഷണക്രമം നിയന്ത്രിക്കുന്നതിലൂടെ, കഴിക്കുന്ന പോഷകാഹാരത്തിന്റെ അളവും കുറയുന്നു. തത്ഫലമായി, എല്ലായ്പ്പോഴും വിശപ്പ് അനുഭവപ്പെടാം. എന്നിരുന്നാലും, ചില ആളുകൾക്ക് വിശപ്പ് നഷ്ടപ്പെടുന്ന അവസ്ഥയും ഉണ്ടായേക്കാം.

2.ഭക്ഷണത്തോടുള്ള ആസക്തിയിലേക്ക് നയിച്ചേക്കാം-ഭക്ഷണം കഴിക്കുന്നത് പരിമിതപ്പെടുത്തുകയും ദിവസത്തിലെ ഒരു പ്രത്യേക സമയം മുഴുവൻ ഉപവസിക്കുന്നത് ഒരു പക്ഷെ ഭക്ഷണത്തോടുള്ള ആസക്തിയിലേക്ക് നയിച്ചേക്കാം. ശരീരം ഉപവാസം എടുക്കുന്ന സമയത്ത് സ്വയം ക്രമീകരിക്കാൻ ശ്രമിക്കുന്നതിനാലാണ് ഇത് സംഭവിക്കുന്നത്. ഉപവാസം എന്നത് കലോറി ഉപഭോഗം കുറയ്ക്കുന്നതിനെ സൂചിപ്പിക്കുന്നു, ഇത് സമ്മർദ്ദ ഹോർമോൺ, വിശപ്പ് ഹോർമോൺ, ക്ഷോഭം എന്നിവയുടെ വർദ്ധനവിന് കാരണമാകുന്നു.

3.ഉറക്കക്കുറവ്-ഇടയ്ക്കിടെയുള്ള ഉപവാസം ഉറക്കത്തെ മെച്ചപ്പെടുത്തുകയും, നന്നായി ഉറങ്ങാൻ സഹായിക്കുമെന്നും പല പഠനങ്ങളും അഭിപ്രായപ്പെടുന്നുണ്ടെങ്കിലും, ദീർഘകാലാടിസ്ഥാനത്തിൽ ഇത് നല്ല ഉറക്കത്തെ ബാധിക്കും. ഇത് ഓർമ്മശക്തി, മാനസികാവസ്ഥ, പഠന ശേഷി എന്നിവയെ വരെ ബാധിച്ചേക്കാം. കൂടാതെ, ഉറക്കത്തിന്റെ ഗുണനിലവാരം കുറയ്ക്കുകയും ചെയ്യും.

4.തലവേദനയ്ക്ക് കാരണം-തലകറക്കം, തലവേദന എന്നിവ പല കാരണങ്ങളാൽ സംഭവിക്കാം. ഉപവാസം അതിലൊന്നാണ്. ഇടയ്ക്കിടെയുള്ള ഉപവാസം മൂലം അസുഖവും തളർച്ചയും തോന്നിയേക്കാം. ഉപവാസത്തിന്റെ ദൈർഘ്യം അനുസരിച്ച് ശക്തമായ തലവേദനയും അനുഭവപ്പെട്ടേക്കാം.

5.മലബന്ധം-ഭക്ഷണം ദഹിപ്പിക്കാൻ ശരീരം ആസിഡ് ഉത്പാദിപ്പിക്കുന്നുണ്ട്. എന്നാൽ ശരിയായി ഭക്ഷണം കഴിക്കാതിരിക്കുമ്പോൾ, ഇത് മലബന്ധത്തിന് കാരണമാകുന്നു. ഇത് മലവിസർജ്ജനം കുറയ്ക്കുകയും, വേദനയേറിയ മലമൂത്രവിസർജ്ജനം, തിണർപ്പ്, കൂടാതെ നെഞ്ചെരിച്ചിൽ പോലുള്ള ലക്ഷണങ്ങൾ എന്നിവയ്ക്ക് കാരണമാവുകയും ചെയ്യുന്നു.

6.മുടി കൊഴിച്ചിലിന് കാരണം-മുടി കൊഴിച്ചിൽ പ്രശ്നങ്ങൾ അനുഭവപ്പെടുന്നുണ്ടെങ്കിൽ, അത് ഉപവാസവുമായി ബന്ധപ്പെട്ടിരിക്കാം, ഉപവസിക്കുമ്പോൾ നമ്മുടെ കലോറി ഉപഭോഗം പരിമിതപ്പെടുന്നു. അതിന്റെ ഫലമായി നമ്മുടെ ശരീരത്തിന് ആവശ്യമായ പോഷക ഗുണങ്ങൾ ലഭിക്കാതെയും വരുന്നു, പ്രത്യേകിച്ച് മുടിയുടെ ആരോഗ്യത്തിന് പ്രധാനമായ ബി വിറ്റാമിനുകളും പ്രോട്ടീനും. അത് മൂലം മുടി കൊഴിച്ചിലും നേരിട്ടേക്കാം.

വേഗത്തിൽ ശരീരഭാരം കുറയ്ക്കാനുള്ള ഡയറ്റുകൾക്ക് അതിന്റെതായ ഗുരുതരമായ അപകട സാധ്യതകൾ ഉണ്ടെന്നതിനെ കുറിച്ച് ബോധവാന്മാരാകുക. ജനപ്രിയ ഡയറ്റിലേക്ക് ആകർഷിക്കപ്പെടുന്നതിന് പകരം, ദീർഘകാലാടിസ്ഥാനത്തിലുള്ള സുസ്ഥിരമായ ഒരു ഭക്ഷണക്രമം സ്വീകരിക്കുന്നതാണ് ഏറ്റവും ഉത്തമം.